艾篙PLAYGROUP – 第九堂 – 12.07.10

上堂情況:

呢日Surman姐姐一打嚟第一句就問:『呢排屋企係咪發生咩事?』媽媽細問點解咁問, 原來晢晢一入門口冇耐就大喊, 仲要唔係扭計果隻喊, 而係好驚咁, 一時話要搵媽咪, 一時又話要搵爸爸, 真係唔知發生乜事!? 不過Surman姐姐話當有其他小朋友返到嚟佢又冇晒事, 之後有另一個同學仔扭眼瞓喊, 佢就叻到走去叫人:『唔駛喊過喎…』真係估你唔到??? 當晚媽媽問返晢晢…

媽媽:『晢晢, 今日返PLAYGROUP係咪喊呀?』

晢晢:『係呀!』

媽媽:『咁點解喊呀?』

晢晢:『aaa…. 我搵媽咪呀…』

(平日都唔係咁黐媽咪架, 唔通係因為見媽媽個肚愈來愈大, 所以變得黐身?)

講返上堂情況, Surman姐姐話因為呢堂有幾個小朋友都有點情緒不穩, 所以活動唔算太多, 其中幾個有關記憶力o既遊戲, 大致上晢晢表現一般, 大約得60-70分, 要加強訓練!

課堂另一part就係大肌肉活動, 要求小朋友拎住大波波走平衡木, Surman姐姐話有d小朋友會用雙手抬o既方法, 有d就會用單手令自己可以睇到前面o既路, 而晢晢就選擇用推o既方法, Surman姐姐話佢handle得唔錯~!

不過當要求小朋友合作時, 晢晢攬實波波話『係晢晢架!』而唔肯同小朋友一齊玩, 晢晢學分享呢樣嘢仲有好多進步空間!!

呢堂大致上係咁上下, 希望晢晢繼續進步~~~!