大冬瓜 – 12.09.2010 – 34 week

懷孕34週

腰圍達38寸的媽媽

外形十足十一隻大冬瓜

啱啱o既星期日

媽媽更把大冬瓜呢個角色演繹得淋漓盡致…

 

話說當日雨一直未停過

當我哋一家三口回到屋企樓下

媽媽正準備行去按升降機按鈕時

媽媽就突然成個跣低撻咗喺地!

因為『大肚婆跌親好大件事』呢個想法太根深柢固

所以果一刻媽媽心情都幾複雜

一來怕小B有事

二來痛

三來嬲自己連照顧自己o既能力都冇

四來嬲爸爸明知媽媽大肚又地面濕滑又揍住個仔都隔我咁遠

五來…

六來…

一大堆無謂想法下

媽媽哭了…

從後趕上的爸爸見狀相信都應該嚇到鼻哥隆都冇肉

而晢晢亦嚇得不停口問:『媽咪有冇事呀???』

 

定過神後

第一時間當然係感受下小B有冇郁?

答案係『郁得更厲害』

(可能佢都嚇親)

然後再感受下邊度痛…

答案係『右膝, 右PAT 及 左腳腕』

(最傷係右膝, 腫咗一大片)

除此之外冇咩大礙…

所以就拿拿林返屋企休息…(坐喺地下咁耐仲唔夠瘀咩!?)

 

一返到屋企

晢晢就好緊張咁四處找『膏膏呢? 膏膏呢?』(膏膏=喜療妥),

找到後就幫媽媽搽

然後一邊搽一邊安慰媽媽

『晢晢呢, 跌親會搽膏膏…』

『之後呢, 爸爸媽媽會話: 冇事喇…』

『咁晢晢就冇事笑返喇~!』

(媽媽聽見你咁講已經畀你引到笑返晒啦…)

 

本來呢日打算帶晢晢聽小提琴演奏會

但因為媽媽需要休息而取消…

又, 晚上本來要外出買日用品及吃晚飯,

但因為媽媽『怕死』,

所以派了爸爸 + 晢晢出去買外賣(因為仲落緊雨…)

媽媽過渡了一個十分沉悶的週日…

 

不過仍要感恩,

因為咁跌法都只係皮外傷,

天父已好保守我呢個論盡媽媽同小B喇…