艾篙PLAYGROUP 2 – 第一堂 – 04.09.10

呢堂係第一堂轉做星期六班, 而且改為由爸爸接送, Surmen姐姐話晢晢say bye bye時比婆婆更扭, 問媽媽以前爸爸送過返學未? 媽媽就答:『N1 果陣咪係由爸爸送, 所以咪喊足9個禮拜咯!!!』… Surmen姐姐即刻明晒~! 不過其實一如以往, 晢晢一入課室已經好快冇喊…  

上課情況:

第一節主要係音樂部份, 主要是數拍子, Surmen姐姐先調教電子琴為鼓聲, 打兩拍後小朋友就要接著打手上的樂器(例如: 沙槌)兩下, 之後再做3拍… 晢晢於兩拍時做得好好, 到3拍時, 都做得不錯, 但有時會亂, 但起碼佢係知道跟兩拍係有分別, 而且後來練習多咗亦見進步~!

到第二節係數學部份 --- 加一減一練習! Surmen姐姐於課室不同角落放有3間屋仔, 入面有不同數量物件, 小朋友要先走過平衡木才能走到屋仔, 然後聽指令將屋仔內的物件調教到指定數量, 例如指令是:『藍色屋仔要有4件物件』, 小朋友走到藍仔屋仔前見到只有3件時, 就要懂得『加一件』~! 相反, 若發現屋仔內有5件時, 就要懂得『減一件』… Surmen姐姐話晢晢呢part做得非常好 !!! 6以內的加減概念十分清晰, 遲些可以試下做加2減2~!  

課堂秩序方面:

依然良好, 雖然調班後只剩一個老同學, 但未見有任何影響~!

另外, 因返完PLAYGROUP當晚晢晢提過:『今日有HXXX小朋友一齊上堂』, 媽媽就順口問下Surmen姐姐係咪真? 原來晢晢所言非虛~!

然後媽媽再順口問下上上堂晢晢提過有某同學仔上堂走圍走及某同學瀨尿, 原來全部都係真!! 哈哈, 原來晢晢真係記得過喎~! 但係點解你淨係記得呢D, 媽媽問你上堂做乜又唔識答我o既呢???

小記:

呢日返完PLAYGROUP後, 晢晢時時同媽媽講…

晢晢: 『媽咪, 晢晢呢… 返PLAYGROUP唔開心呀… 因為呢… 爸爸走咗晢晢喊呀…』

媽媽:『咁爸爸之後有冇去接晢晢放學呀?』

晢晢:『有!』

媽媽:『係lor, 爸爸會接返晢晢架嘛, 咁晢晢仲駛唔駛喊呀?』

晢晢:『唔駛…』

晢晢, 希望你下堂唔好再係得個講字, 真係識得笑住入課室就好喇…