挑戰60塊PUZZLE – 27.08.10

大概一星期前, 晢晢成功挑戰20塊PUZZLE, 媽媽見佢都幾有成功感, 就決定入貨向難度挑戰~!

本來只想賣40塊試一試佢, 但去到書局揀來揀去都覺得晢晢會鍾意呢幅TOY STORY多D, 所以最後決定買了… (雖然佢有成60塊… 有點越級…)

呢晚(星期五)爸爸媽媽出咗去食飯, 大概十點半先返到屋企, 都打算第二朝先開畀晢晢玩, 但晢晢見到又好感興趣, 所以就開檔試一試佢~!

完全冇期望晢晢會有心機玩(尤其已到咗瞓覺時間), 但估唔到晢晢整個過程都好專心! 佢會逐個人物分類, 然後一片片咁砌, 直到完成整幅砌圖, 過程大概花了廿幾分鐘~!

雖然其間需要媽媽畀提示, 但大部份都係晢晢自行拼出! 而且晢晢只係第一次砌, 能有如此耐性媽媽都覺得晢晢表現算唔錯~!

晢晢:『完成啦~! YEAH!!!』

到第二朝, 媽媽同晢晢再玩一次, 晢晢個樣古靈精怪~!