艾篙PLAYGROUP 2 – 第二堂 – 11.09.2010

隔咗咁多日先紀錄, 希望仲記得啦…

呢日媽媽SHORT WEEK, 可以同爸爸一齊送晢晢返PLAYGROUP~! 不過呢日雨勢頗大, 加上媽媽行得慢, 所以遲到15分鐘…

入到門口, 晢晢果然扭計, 但又係邊喊邊跟艾篙o既姨姨入課室~! (仔, 到底你打算扭到幾時??)

上課情況:

一開始係大肌肉活動, Surmen姐姐喺課室內放滿唔同擺法o既呼拉圈, 有d係垂直放, 有d係打橫放, 有d放得低d, 有d就放得高d… 目的係要小朋友自己判斷當遇到不同高度時要用咩方法處理? (『捐』, 『爬』還是『跨』?)… 晢晢表現… 其實大至上都能判斷用咩方法過, 但當走到一個放得頗高的呼拉圈時, 明明知道要用『捐』o既方法, 但偏偏想挑戰難度, 堅持要試用誇o既方法~~~ (呢d算唔算『藝高人膽大?』)

遊戲中, Surmen姐姐亦加入指令, 例如邊行邊收集唔同顏色o既Lego, 然後按要求o既排序(例如: 放紅色lego係藍色lego 上面), 晢晢做得不錯~!

之後再改為叫小朋友收集多個豆袋, 晢晢即使手執4-5個豆袋, 都能輕鬆走過不同高度的呼拉圈~!

課堂下半部份係砌puzzle, Surmen姐姐預備o既係水果puzzle, 每幅一個水果, 直線切割而非凹凸的, 所以小朋友只能全靠對水果圖片的觀察而非puzzle的形狀來完成~!

為增加遊戲刺激度, Surmen姐姐先將puzzle分佈於課室每個角落(例如桶底, 搖搖木馬底…), 然後叫小朋友把它們找出, 誰不知小朋友只顧住玩其他玩意, 後來Surmen強調『呢個係比賽嚟架, 睇吓邊個搵得多啲??』小朋友便開始投入~! 晢晢算是找到不少砌圖, 當找到後亦會按指令放到枱上~! 好笑的是有一同學仔不願放下手上的收穫, 結果邊行邊跌, 其他的同學見狀就偷偷執起他的砌圖, 古惑的晢晢當然是其中一分子~!

砌圖收集好後就開始拼~! 可能因為沒有凹凸切割, 開始時晢晢會有點迷茫, 但慢慢都能掌握然後完成整幅砌圖~! (Surmen姐姐話家長可以自製一些以直線切割的水果甚至只得線條的拼圖鍛鍊小朋友的觀察力, 呢個手作仔對媽媽嚟講冇難度~! 晢晢又要進行特訓喇~!)

最後, Surmen姐姐再安排每個小朋友一片puzzle, 原本想叫佢哋合作拼出圖案, 但奇怪地每位小朋友都唔願意拎出手上的拼圖, 後來Surmen姐姐加以鼓勵, 小朋友開始投入, 到最後當佢哋發現原來他們手上的拼圖合拼後可以砌出一個生果, 表現得好有滿足感~!

Wooo~~~ 記到咁多, 媽媽都覺得自己好厲害~!

放學後到荃灣廣場喳巴士好似已成為指定動作...