仲有兩星期左右小B就要出世喇,
媽媽心情…
都唔知點形容!?
有上一次經驗,
其實已經唔係好識緊張,
(係唔緊張都連呢一刻都未執老佬袋...)
但心情…
總係有點忐忑…
屋企就快多個成員,
個家到底會變成點呢?
晢晢話:『我就快做哥哥啦!』講就講得多,
但當媽媽真的抱住個BABY返屋企時,
佢又會有咩反應呢?
以後,
媽媽個世畀除咗晢晢,
就仲有小B,
媽媽該如何將心血、時間公平地分配畀大細B呢???
媽媽完全想像唔到…
只願神祝福,
賜媽媽智慧及能力,
好好照顧大細B,
讓佢哋開開心心咁成長~!
雖說第二次懷孕會比第一次少一點驚喜,
但事實小B都好識得做點跟哥哥不同的事,
叫媽媽難以忘記陀住您o既感覺….
最深刻當然是胎動…
陀晢晢哥哥時已經覺得佢郁得好勁,
但原來小B係勁十倍以上呢!!
以下2分幾鐘片段,
小B一直都未停過,
但事實小B每日近8成時間都處於呢個狀態呢…
夠恐怖、夠難忘吧~!?
(片段可能會引起不安, 怕者勿看!)
有无加咗快镜架,真系郁得好劲同好快窝...厉害!
回覆刪除[版主回覆09/27/2010 19:12:00]冇加快架, 原汁原味~!
所以我咪話我半夜會畀小B踢醒lor~~
我又係陀第二個的時候覺得郁得好勁，仲好大力添！果然出世這小b力度比家姐更勁！
回覆刪除[版主回覆09/30/2010 14:21:00]原來細細佬都係咁~~~
爸爸話, 小B出世一定係曳豬喎~~~
下個星期就見到佢啦, 到時教訓下佢先~! 踢得我咁勁吖嗱~!
好溫馨!!好懷念呢種感覺!
回覆刪除[版主回覆09/30/2010 14:23:00]我感覺多一個星期小B就要出世喇... 我諗我唔會生第三個, 所以拍底佢等第時可以回味吓~~~
你仲有quota, 追多個啦~!
其實我都想追多個...但係你知一一已經係婆婆湊...講緊一個week先見一次....所以生多個, 俾邊個湊都成問題 ><
回覆刪除[版主回覆10/02/2010 10:04:00]呢個又係一個令人頭痛o既問題...
我哋而家都係安排多請一個姐姐, 婆婆就趁空閒(eg 表姐返咗學之後)上我屋企幫手照顧小B... 不過新姐姐要1月先available, 我放產假期間(10月中~12月尾)都好嚴峻...
見步行步...
嘩~~~我只可以講"好重皮"....開支好大喎! 生多個, 最大問題其實係金錢問題!!
回覆刪除