晢晢B @ 淺水灣 02.08.2009

經過好幾個weekend唔係打風就落雨, 剛過去o既星期日終於見到天明(其實都係冇乜太陽, 但起碼冇雨先丫~! ), 啱啱教會呢個主日喺淺水灣舉行浸禮, 我哋一家三口一於觀禮後陽光與海灘~~ la la la la la~~~

是日參加浸禮o既弟兄姊妹一共有6位, 今次喺沙灘舉行感覺真係好唔同~!  (呢張相爸爸同晢晢都有上到鏡, 唔知有冇人搵到呢? )

 

浸禮完咗之後, 我哋就開始喺沙灘玩喇~! 已經兩個月冇踏足過沙灘o既晢晢, 對沙灘o既熱愛情度可謂有增冇減~!

一落水, 晢晢已不急及待暢泳一翻! 今次媽媽"終於"記得為晢晢準備一個啱size既水泡~! 數月前晢晢喺泳池已學會掌握平衡, 今次再借助海水o既浮力, 晢晢更加輕而易舉咁自己游來游去喇~! (當然偶爾都會飲返兩啖海水, 但都無損晢晢雅興啊~!)

晢晢除咗鍾意海, 仲好鍾意玩沙! 難得呢日仲有咁多哥哥同佢玩, 仲唔玩到夠本~!

 

晢晢有份埋咗哥哥架, 睇佢個樣幾得戚~!

 

呢日晢晢仲特別活躍冇時停! 失驚無神會跑出海, 追到佢時又跑返上岸, 追到我冇晒氣!

 

 

全程做咗跟得媽媽~!

之後到爸爸接力...

我哋一家由兩點玩到5點多就齊齊沖身, 之後就去醫肚~! 一心諗住晢晢玩到咁顛一定會好肚餓, 點知一如以往, 晢晢對我用愛心預備o既紅衫魚飯一d都唔領情!

媽媽: [晢晢食啦~!] 晢晢: [要食你自己食啦!] .... 激死我!

但見到件pizza就變到洽熟咁樣! 衰仔!

小插曲: 食緊pizza時爸爸話要晢晢學識咩係 "酸甜苦辣", 過往 "酸", "甜", "苦"呢三課都上過喇 (包括lemon, 糖同苦瓜特訓!), 爸爸今堂要教晢晢"辣"wor! 所以就滴咗數滴Tobasco喺一小口pizza上, 晢晢一食入口就毑埋晒口面, 爸爸見狀即講:"辣辣呀", 晢晢又跟住講: "辣辣呀!" 隔咗一陣爸爸再畀有Tobasco既pizza晢晢食, 晢晢食到辣味就識講: "辣辣呀"... 就咁晢晢就學識咗咩係 "辣"! ..... 唔知話晢晢學嘢快好丫, 定話爸爸教得"好"喇...

醫完肚我哋就打道回府lu~~

呢日天氣雖然陰沉咗D, 但溫度夠熱唔怕冷親, 冇乜陽光又唔怕晒親, 各樣配合可謂啱啱好! 縱使玩到我哋散晒, 又有一大堆工作等住我哋去善後~! 但可以有咁愉快o既weekend真係乜都抵返晒~! 感謝主!