買咗一大堆中文教材後, 晢晢學習中文進度依然一般, 但今晚, 當播起<誦詩識字>CD時, 晢晢居然成首一字不漏念咗出嚟! 雖然只係"念口枉", 但媽媽已經好高興啦~!
因為晢晢認中文字麻麻, 所以媽媽轉返做白底紅字~! 好似真係易入腦D~!
本來係念到成首, 但一拎部機就念唔返... 呢段片只怕到佢念"畫畫"同"天邊掛"...
http://hk.video.yahoo.com/video/video.html?id=1663607
呢段只拍到"高低"同"彎彎月兒天baba"
http://hk.video.yahoo.com/video/video.html?id=1663612
其餘仲有段片拍到晢晢念"沙當紙" 同 "造字像畫畫", 又有另一段拍到"第一課"... 不過太悶, 唔upload咁多喇~!
希望晢晢學中文愈來愈進步就好喇~!
其實都唔駛咁急要佢認讀呢d中文字，英文學得叻d係因為world family將生字具體咁呈現係晢晢面前，即使係動詞唔係物件，晢晢都見到小朋友做出嚟俾佢睇，佢能夠理解個字既意義，自然就更容易記得個字！但中文只是聽聲唸口黃…他連繫唔到…對他來說只是一堆嘢…可能你想佢聽完首詩就能認讀哂所有字詞，但我覺得唔可以教…但唔一定要佢識哂每個字…你可以揀一些具體d、能容易明白的字詞來先教他…
回覆刪除你做字咭的字，我會揀以下這些來教：
高、低：配合動作，可以叫亞佳舉高晢晢，然後你把字咭show俾晢晢睇住並講「高」，當亞佳再放他在地上時你把字咭show俾晢晢睇住並講「低」。當然好似同佢玩遊戲咁多次重覆！讓他掌握高低的概念。
有實物的字：紙、筆、沙、樹枝、羊 etc(先讓他認識咗那些物件，當他認得物件後才教他認字)
「畫畫」都可以教既，因為他會做。
所以抽象的字都不宜教：當、像、祖先、我們(你、我、他既概念好似要3/4歲先develop到)
角：有點複習…太多唔同樣既嘢都係角，佢呢個時候未必能夠掌握。
By the way,呢個時候既晢晢，唔一定要佢認得好多字，反而係培養佢喜歡看書和專注力比較重要。當他唔怕坐定看書，他日要他認幾多字都得啦！
小小意見，希望晢晢能學得到、吸收得好！ ^.^
對不起！係「我覺得 唔係 唔可以教…」先岩，打漏字！ =.=
回覆刪除[版主回覆08/14/2009 21:41:00]果然係專業幼園教師! 多謝提點呀~!
其實我一路都冇乜idea點教中文, 都有d氣餒架(因為教英文好順利, 但中文進度極慢)... 我都明而家唔駛教太深, 但市面真係唔多中文幼兒教材, 喺唔知邊d啱同點教之下, 就買咗一大堆... 呢套算係最有反應, 但其實係 for 6-7歲...
我本身係想用中文兒歌DVD然後用自製字咭教中文生字(eg: 跑步, 運動, 星星...), 我覺得work架(world family都係邊唱邊學之嘛), 不過仲未有時間揀邊隻DVD嚟買... 你又覺得呢個方法得唔得呢??
同埋我想講, 你好鬼體貼~~ D操重嘢留返晒畀亞佳~~ (可以叫亞佳舉高晢晢)
唔係Pro！你都未試過得唔得！我搵你呢個有心人做試驗品咋！
回覆刪除我本身係想用中文兒歌DVD然後用自製字咭教中文生字(eg: 跑步, 運動, 星星...), 我覺得work架(world family都係邊唱邊學之嘛), 不過仲未有時間揀邊隻DVD嚟買... 你又覺得呢個方法得唔得呢?? <===呢個方法我都覺得應該work ga！搵到呢d DVD就當然好啦！但始終現有既中文教材唔係以WORLD FAMILY形式製作，未必可以搵到100%FIT囉！字咭做到好似你個D FLIP咭咁，有埋圖畫！即係一邊係字反轉係公仔！
但未搵到之前可以繼續用住 <誦詩識字>CD ，加我之前講的方法試下先，因為起碼晢晢聽落都肯唸口黃，但就辛苦媽媽你啦！
我無諗過抱高抱低係粗重功夫GA，只係按事實亞佳真係比你高，咁佢表達高低的對比大D嘛！大家都係想晢晢明白D啫！同埋好似同晢晢玩！我諗亞佳成日都咁同晢晢玩GA啦！係咪？