小氣鬼 >_<!

晢晢你真係好鬼小氣! 上次明明係你自己衝埋嚟撞到媽媽, 都冇同你計撞到媽媽隻腳瘀咗! 仲諗住氹下你, 點知你唔so媽媽不特止, 仲跑鬼咗去搵爸爸一輪咀投訴! 今朝又係! 明明係你自己曳! 媽媽叫你”all豬豬”又唔聽, 走去爬按摩椅, 媽媽話你一句 "曳曳”就喊住跑去搵爸爸! 好似話媽媽吓你咁!!  

 

衰豬! 邊個晚晚趕返屋企陪你玩!?

邊個晚晚講故事你聽!?

邊個買餅餅你吃!?

邊個買玩具你玩!?

咁鍾意痴爸爸丫嗱~! 痴個夠啦~!

媽媽媽嬲你呀!! 哼!!!

 

講下啫~~~ 媽媽點會嬲晢晢丫~~ 媽媽覺得晢晢好可愛就真~! 估唔到人仔細細一唔滿意就識搵救兵~! 佢諗一諗, 然後喊住“凳凳下”跑去搵爸爸個背影真係好可愛~!

 

不過… 雖然媽媽心裡覺得晢晢好得意, 但作為父母喺適當時候都要板起個樣管教~! 唔係縱壞咗點算~!? (晢晢, 你大個就會明白媽媽苦心架啦~!)

 

今朝爸爸安慰完晢晢後, 媽媽一定要晢晢畀媽媽抱, 佢扭咗一輪就範, 媽媽跟手捉住晢晢要佢講 “sorry", 佢諗咗一陣就卡卡笑住講 “sorry kakaka”, 好明顯晢晢其實未明咩係“sorry”, 不過冇再扭計就暫時原諒住佢先啦~! 之後媽媽再叫晢晢去toilet “all豬豬”, 晢晢好乖咁自己行入toilet拎potty, all完豬豬媽媽叫刷牙又好乖咁刷… 唔知呢d係咁叫做 “補飛”呢~!?

晢晢就快踏入terrible 2, 爸爸媽媽要加強管教力度先得喇!!!