整啫喱 – 25.08.10

其實兩個月前都整過一次, 不過果次D相同片唔知點解睇到upload唔到, 所以就冇得作紀錄…

呢日媽媽放工見架車未到就走去行超市, 無意中見到有啫喱粉賣, 就拿拿聲買盒同晢晢玩~! (每晚放工返到屋企流流長, 總要安排D親子活動好好消磨時間~~)

可能因為上次係整橙味啫喱, 而且今次個盒又係黃黃橙橙咁, 所以同晢晢講咗幾次佢都話係橙味, 但事實係芒果味嚟架~!

晢晢『好香呀~~~』

 

晢晢一邊舀一邊分配邊碗係屬於爸爸, 媽媽及佢自己… 明顯地自己果碗就不停手咁加加加… 幾奸呀~!

分好晒, 晢晢就幫手逐碗放入雪櫃~! 到爸爸返到嚟, 就第一時間通知:『爸爸! 我整咗啫喱畀你食呀!』

到第二日, 晢晢返到屋企就問:『D啫喱雪硬咗未呀?』, 媽媽就同晢晢一齊分享~!

晢晢邊食邊話:『嘩! D啫喱好好味呀! 邊個煮架?』

媽媽:『啫喱係唔駛煮架, 整就得架啦!』

晢晢:『咁邊個整架?』

媽媽:『咪晢晢lor』(呢個答案你滿意啦~!)

晢晢:『嘻嘻~~~』

睇吓晢晢個樣食得幾滋味~!