會扑濕媽媽個頭的乖寶寶?

某晚, 晢晢臨瞓前要求媽媽講故事, 點知唔小心將本又大又重又硬o既書一嘢扑咗落媽媽個額頭度, 由於太痛所以媽媽忍唔住大叫咗一聲, 又由於媽媽都有點攰, 又有點脾氣, 為免自己錯將情緒發洩到晢晢身上, 就請爸爸睇住晢晢, 然後就板著臉離開睡房一會…   

隔咗一陣再入房, 媽媽見晢晢同爸爸玩緊, 都諗住由佢兩仔爺繼續玩, 點知晢晢突然收起笑容, 一險認真同爸爸講:『等我氹返媽咪先!』然後就跨過爸爸, 走到媽媽身邊話:『Sorry媽咪, 你有冇事呀? 係咪好痛呀? 我呵返你好唔好呀?』然後就喺媽媽個額頭鍚咗一啖… 果一刻媽媽個心真係甜晒~!  

然後媽媽話:『媽咪知你冇心o既, 好啦, 媽咪原諒你啦! 不過下次記得小心d喇~!』晢晢:『知!』然後晢晢攬多媽媽一下先放心繼續同爸爸玩~!   

小小年紀就如此懂性, 媽媽點會唔鍚到你燶~~~~