艾篙PLAYGROUP – 第十八堂 – 23.08.10

上課情況:

呢堂玩stepping stone, 晢晢手腳協調及平衡力都不錯, 甚至可以倒轉行, 不過腳趾o既抓力有點不足, 未能抓實腳踏的曲面, 需加強練習~! 此外, 晢晢若數住『1、2、1、2』來行表現會再好些~!

(小記: 玩呢個遊其間, 晢晢不停跟其他小朋友講:『小心d呀! 不如我扶你吖~!』但到佢自己玩時又會話:『我唔駛扶架, 我要自己行!』… 真係冇你收~! 另外, 呢日晢晢時時碌喺地話要『維修』, 可能呢排玩車玩得太多…)

之後玩『找不同』, Surmen姐姐預備咗幾組咭叫小朋友找出不同之處…

第一對係車車 --- 一架車轆係正方形, 另一架係圓形, 晢晢未能即時指出, 要Surmen姐姐提示『d轆轆咩形架?』晢晢先如夢初醒…

第二對係兩棵樹 --- 一棵掛滿鐘, 另一棵掛滿蘋果, 由於太明顯, 所以晢晢好快就肯定到答案, 仲大叫『呢棵係蘋果樹lor!』

第三對係兩個鐘 --- 一個係正常123…的數字, 另一個係鏡面字(即反轉的數字), 無論點解釋晢晢都堅持兩張咭係一樣, 仲能夠讀晒所以鏡面字的數字, 情況令人擔心… Surmen姐姐話會跟晢晢做多些練習以確定晢晢有冇閱讀障礙~! (其實媽媽相信晢晢係冇問題o既, 應該只係唔夠細心啫~!)

第四對係兩棧交通燈 --- 一棧係以紅, 黃, 綠咁排, 另一棧就以綠, 黃, 紅咁排, 晢晢對於分別排序上o既不同顯得不夠敏感, 要加加加加加強練習!!!

第五對係兩隻大象 --- 一隻係正常的大象, 另一隻就冇咗長鼻哥, 晢晢係就係分到不同之處, 但就堅持冇長鼻哥果隻係monkey! (Surmen姐姐話有其他小朋友話係豬都合理d, 因為幅圖都畫到幾似豬, 但就唔明點解晢晢會認為係monkey!?)

到最後建構環節 --- 用lego砌凳仔~! 當用細lego砌時晢晢表示不太投入, 但又未至於遊雲, 因為當Surmen姐姐與其他小朋友對話時, 晢晢又會識插咀~!

之後改用大lego砌凳仔, 今次晢晢投入得多, 又好開心咁跟其他同學仔排排坐~! 本身Surmen 姐姐要求小朋友要砌埋椅背先算完成, 但晢晢就只放咗一粒極細少的lego在背後就話:『砌好喇!』, Surmen姐姐話:『咁細粒, 你挨落去時咪會跌lor!』跟手推一推晢晢令佢有跌o既感覺, 但晢晢仍堅持話:『唔跌呀! 冇事呀!』, 真係冇佢咁好氣~!

課堂秩序方面:

仍然良好, 上堂排隊入房食茶點時晢晢因為冇得做火車頭而扭計, 呢堂晢晢就一早報定名:『我要做火車頭架!』, 晢晢如願以賞, 當然冇扭計~!