今堂晢晢終於係笑住入課室啦!!!
上課情況:
今堂首部份係美勞課, 每位小朋友獲派半個薯仔做薯仔印畫, 然後無論揀顏色, 加水 開顏料都由小朋友一手包辦, 晢晢揀咗藍色~!
之後Surmen姐姐拎咗其他小朋友o既作品 --- 米奇老鼠畀小朋友欣賞, 個個一睇見就異口同聲:『我要整, 我要整!』, 表現相當興奮~!
Surmen姐姐話晢晢畫得不錯, 尤其控制比例上做得最好, 懂得畫面孔時用晒成隻手臂打大圈, 畫兩隻耳仔時就只用手碗打細圈~! 不過相比起其他同學仔, 晢晢個情況又係最混亂同最污糟果個
到課堂下半部份, Surmen姐姐先放有關廚房及公園物品o既lego到袋中叫小朋友憑感覺摸出袋中物品, 晢晢表演不錯, 當摸到茶壺時更無厘頭大叫:『媽咪, 水滾啦, 熄火呀!』, 真係畀佢笑C~!
之後Surmen姐姐小朋友將物品分類, 每位小朋友都能夠做到, 但當利用砌lego引導佢哋聯想公園及廚房有什麼物品時, 晢晢對於公園就可以數到好多, 但廚房就反應麻麻! Surmen姐姐問媽媽平日畀唔畀晢晢入廚房!? 其實媽媽一直都畀, 但就冇特別仲紹入面o既物品畀晢晢認識, 睇嚟又係時候係屋企開返堂『廚房堂』喇~!
另外, Surmen姐姐話晢晢喺呢堂砌咗個好靚o既電話, 雖然同公園或廚房無關, 但由於砌得好靚, 所以都大讚晢晢, 又同佢影咗張相, 媽媽真想快D睇相, 睇下砌得有幾靚~!
小記: 或者爸爸聽到媽媽講晢晢會砌lego, 星期六特登帶晢晢到玩具反斗城挑選! 本以為晢晢會揀佢偶像閃電王麥坤或近期大熱o既TOY STORY, 點知晢晢情有獨呢款可以換轆o既lego, 咁爸爸就買帶咗晢晢畀錢~! 返到屋企晢晢急不及待開嚟玩, 估唔到佢控制支螺絲批又控制得唔錯, 完全唔駛協助已經可以自行換轆! 而且見佢好有滿足感, 周圍同人講佢自己換轆轆~! 似乎呢份玩具都算係冇買錯喇~!
你好快手窝,咁快就买咗Lego,我仲未买呀~
回覆刪除[版主回覆08/16/2010 23:28:00]係爸爸心急啫...
我都唔知原來lego有款可以換轆tim.
回覆刪除我次次同卓卓去反斗城都買唔成玩具, 因為太多吸引, 要佢定定地揀玩具真係無可能