艾篙PLAYGROUP – 第十七堂 – 19.08.10

呢張相係卓卓媽喺艾篙門口見到所以拍低畀媽媽留念, 真係好感激~! 唔知係第幾堂o既呢? 晢晢個樣好傻啊~!

上課情況:

大肌肉活動 -- Surmen姐姐先砌咗3層樓梯, 第1、2層放有腳印圖案(小朋友要跟住腳印行). 第3層就砌咗類似山形, 要小心跨過方能前進, 然後樓梯的另一方有4條不同顏色的柱。小朋友要揹起4個不同顏色的呼拉圈, 走過那3層樓梯後就把身上的呼拉圈按顏色套到柱上~! (其實媽媽都唔係好想像到係砌成點, 唯有盡量紀錄…)

Surmen姐姐話晢晢表現尚算不錯, 尤其make decision方面表現相當出色, 不會走冤枉路, 不過於拎/放呼拉圈時就有點論盡, 尤其晢晢是不喜歡走冤枉路的人, 當走到紅色柱前, 即使喺佢身最出o既呼拉圈是黃色不是紅色, 佢都寧願格硬扯紅色的出嚟而唔會改走到黃色柱先放下黃色呼拉圈, 結果時時跌到一地都係…

之後Surmen姐姐將4支柱放到4角, 小朋友從中間走過障礙物後就把相應顏色的呼拉圈套入柱中, 遊戲顯示晢晢方向感冇問題~!

另外, 遊戲其間晢晢好會鼓勵人, 當其他小朋友玩緊果陣會提人;『小心呀! 你就嚟跌落水啦!』, 到自己玩時又會大叫:『唉吔, 我就嚟跌落水啦~!』~~ 十分搞笑~!

到課堂下半部份, Surmen姐姐以<小小姑娘>的Melody套上有關左右手的歌詞 (晢晢而家久唔久都會哼一兩句), 以及玩一連串有關分左右o既遊戲教小朋友分左右, Surmen 姐姐話晢晢對於分左右未算好穩陣~! (媽媽回應其實晢晢好早已經會分左右, 可能遊戲或表達不同令佢表現有異, Surmen姐姐下堂會再觀察~!)

之後小朋友要扮恐龍行, 即手板腳板掂地但膝蓋離地咁爬, 晢晢開頭做得麻麻(膝蓋離地好近), 但玩多幾次已有進步~!

之後Surmen姐姐拎出stepper叫小朋友左右左右踏腳, 估不到呢個遊戲小朋友玩得最投入, 最開心~! 可能因為平日少見~!

最後小朋友玩擲豆袋, 向前後左右擲, 每位都表現不錯~!

課堂秩序方面:

不至於有大問題, 唯獨近來晢晢熱愛喳車, 當小朋友排隊準備入房食茶點時, 晢晢堅持要排第一要做火車頭而扭計大喊, Surmen姐姐唯有勸佢『下堂先輪到晢晢啦』, 之後晢晢見其他小朋友都安靜又漸漸安靜下來~!

另外, 於食茶點其間, 晢晢教其他同學唱NO BODY, 結果成班小朋友就邊食唱NO BODY, 諗起都覺得好笑~!