半天假期 - 巨爵到港 14~15.09.09

好耐冇試過因為打風而休息lu, 不過今次呢個 "巨爵"好生性, 星期一4點鐘新聞就宣佈6點前會掛8號風球, 加上老細非常體貼, 一早同我哋講定天文台一announce, 住得遠o既同事可以即走~~ 哈! 媽媽呢個大西北代表夠晒資格啦! 仲唔一馬當先走喇喂~!

返到大西北先5點多dd, 媽媽急不及待上婆婆度見下寶貝仔, 晢晢見到媽媽都好開心呀, 仲不停拎d波波招呼媽媽~! 媽媽等晢晢食埋晚餐就齊齊返歸~!

全日冇小睡過o既晢晢其實已經有d疲態, 但難得爸爸都收早嘛~! 媽媽唯有不停同晢晢玩遊戲同佢止眼瞓啦… 斟茶, 數珠仔, 唱歌, 玩泥膠, 玩電話, 倒通粉, 舀通粉, 執通粉 … 玩到冇嘢好玩… 7點多, 爸爸終於返嚟啦!!!

晢晢一見到爸爸就好開心, 不停跟出跟入, 又唔停口好似想講好多嘢畀爸爸知咁~~~ 呢d情景喺weekday好耐冇發生過lu~! 晢晢一路同爸爸玩到9點多就藹藹瞓~!

8號風球一直維持到第二朝o既10點, 我哋一家三口冇因此瞓晏d, 反而齊齊6點多起身, 玩下呢樣, 搞下過樣, 一路到10點工人姐姐嚟到接晢晢到婆婆家…

呢個難得o既小假期, 雖然冇咩特別事做過, 但爸爸, 媽媽, 仲有晢晢就享受喇~!