貼貼遊戲

話說媽媽上星期為咗換書局coupon要喺書局簽賬兩次, 喺毫無心裡準備下, 都唔知買咩好!? 兜咗幾個圈, 見到有d圓形螢光色o既label, 突然醒起之前睇過一編blog, 有位媽媽就係用類似o既label畀囡囡玩“痴”貼遊戲訓練手眼協調~! 哈~! 折實都係$7個幾, 又有教育意義~! 就買份玩下啦~!

為咗提高誠意度, 媽媽特意print 咗不同o既圖畀晢晢對住個格仔貼(其實都只係求其畫兩畫就print)! 當一切準備就緒, 星期日就拎畀晢晢玩! 經媽媽簡單講解一次後, 晢晢已經領悟到遊戲規則, 自動自覺貼入格仔入面, 唔需要媽媽每次長氣沉氣咁逐格提點~ 叻仔!

當貼第一張圖時, 晢晢小心奕奕咁對準嚟貼, 不過雙小手都未算好穩定, 不時都會貼出界~~ 但見到晢晢肯努力嘗試媽媽已經好滿意喇! 當貼到正中格仔內時, 晢晢會拍手同讚自己 “I’m GREAT!”… 但當唔小心貼出界時晢晢又會要求媽媽幫忙搣返出嚟畀佢再貼過~~~

右下格張label就係貼錯咗再撕出嚟再貼過, 所以爛爛哋~! 線上果一張就係晢晢唔小心

甩手貼咗喺度

~!  

 

媽媽見第一張貼得未夠完美, 再開過張新o既畀晢晢貼過, 開始有少少進步啦~!

頭兩張都貼得幾順利, 試下轉另一款圖玩下先~! 格仔比之前果張細~! 好在都順利過關啫~!

仲有呢款, 長方形大格仔上係晢晢刻意貼上, 貼完仲要卡卡聲笑, 古靈精怪~!

到是日終極版啦~! D圈圈較之前細同密… 又貼成點呢?

 

媽媽覺得晢晢表現算唔錯啦~~! 晢晢! 要繼續努力呀!