冇爸爸鍚

爸爸日忙夜忙,基本上每個星期只得weekend可以陪到晢晢! 可惜剛過去o既星期六日爸爸都要開工! 仲係早出晚歸果隻! 媽媽獨力揍足一星期七日辛苦已唔在講(尤其晢晢同媽媽都病咗…), 晢晢成個星期冇爸爸陪先係慘…

到星期一朝早, 晢晢7點多就醒咗叫 “爸爸抱抱呀”, 媽媽因為唔舒服所以同爸爸調咗床位瞓, 點知瞓喺BB床旁邊o既爸爸明明聽晢晢叫抱到都無動於中! 晢晢冇人理就繼續叫 “抱抱呀...抱抱呀”… 媽媽聽到好心痛, 但又想睇吓爸爸咩反應, 所以忍心唔出手… 隔咗一陣, 爸爸就拎佢部電話, 開咗world family後就掉畀晢晢睇, 然後自己返瞓!! 晢晢呢, 就無人理!  一個人on居居床喺BB床度睇world family… 個樣超可憐!

過咗大概10分鐘, 媽媽起身準備梳洗, 晢晢見我行過就大叫 “媽媽呀”, 媽媽同晢晢講咗聲 "早晨呀, 晢晢", 就忍心繼續步向toilet, 刻意留晢晢畀爸爸照顧, 呢次因為晢晢叫得太厲害, 兼且媽媽真係夠鐘準備換衫返工, 爸爸不得不出手…  

可惜… 當晢晢一著地, 就只係顧住搵媽媽, 不停拍媽媽toilet門大叫, 唔肯同爸爸玩(以前唔係架! 晢晢好鍾意同爸爸玩架!)... 之後媽媽行去邊晢晢就跟去邊, 爸爸就只好一直跟喺晢晢背後...

果一刻媽媽諗: 爸爸真係好衰! 已經成個禮拜冇陪到晢晢, 人哋拎個心叫你抱又唔理人! 就咁掉個電話畀晢晢睇world family就算!!! 真係好過份!!! 而家晢晢唔so你喇! 晢晢一定覺得爸爸唔鍚佢啦!! ...... 媽媽愈諗愈嬲! 就話咗爸爸一兩句!  

到下午爸爸喺電話中解釋真係好攰, 起唔到身... 媽媽其實已經冇再嬲, 只係心痛佢咁對個仔... 媽媽向爸爸講出感受, 爸爸明白了...

晚上9點多, 爸爸依然未放工, 媽媽就打畀爸爸, 等晢晢可以同爸爸傾吓電話, 晢晢一聽到把聲就認得出爸爸, 仲不停叫 "爸爸 爸爸..." 

晢晢: 喂~

爸爸: 晢晢乖唔乖呀?

晢晢: 乖~

爸爸: 瞓未呀?

晢晢: 藹瞓呀..

爸爸: 晢晢唱歌歌丫~

晢晢: ABCDEFG... Happy birthday to you... 

之後晢晢再講一輪太空話就say bye bye收線... 

雖然只係短短幾分鐘o既對話, 但媽媽相信對晢晢係好重要好重要!! 媽媽成日想爸爸早d返屋企, 唔係要阻爸爸發展, 唔係要管束爸爸... 而係...

爸爸喺呢個家一樣係好重要好重要!! 

希望爸爸工作快d冇咁忙, 可以多d一家人一齊相處啦~!