幼兒樂園 - 第三堂 27.09.09

[晢晢又嚟米字眼~~]

呢堂晢晢因為唔夠瞓所以比較扭計…  

如上兩堂, 一開始係玩玩具時間, 玩完晢晢都好乖咁放返原位~!

到正式上堂, 喺唱歌時段晢晢表現開心投入~!

到故事時間, 臨近中秋, 導師講咗一個關於月亮o既故事, 不過講到一半晢晢已經有離座情況, 到故事完咗, 晢晢又意圖拎玩具玩, 媽媽阻止後晢晢大喊+ “R”腰典地 表示不滿, 又不停話 “我要藹瞓呀…我要藹瞓呀…”~! 好在爸爸安慰咗一陣就平伏返, 然後繼續圖功時間~!  

今堂要整o既手功係“燈籠”, 導師要小朋友貼貼紙上兩隻透明膠碗上, 然後由家長代為穿繩及將兩隻膠碗合併, 都幾神似架,不過唔知係因為晢晢太眼瞓, 定還是開始對黐貼遊戲不感興趣!? 晢晢黐咗幾張就開始想搵其他嘢搞... (例如意圖拎圖功物料之一o既繩嚟穿珠仔...), 因為呢日晢晢狀態嘛嘛, 所以媽媽都冇迫晢晢黐落去, 但求佢肯坐定定已好感恩~! (好在未至於發脾4 咋~!)

 

到課堂尾聲~~ 就係最受小朋友歡迎o既茶點時間! 晢晢每堂都係呢part表現最好架~ 哈哈~!  今堂有應節水晶梨同月餅, 如媽媽所料, 晢晢係唔食月餅呢類texture既食物, 雖然成舊放咗入口, 但嗒咗幾啖就吐咗出嚟 (呢次媽媽唔怪你, 因為媽媽都好怕食蓮容架~!)

食飽飽, 放回餐具, 然後拎埋手冊就放學lu~~

呢堂有驚無險, 希望下堂晢晢可以投入D啦~!