放鬆D啦媽媽

媽媽自問好畀心機培育晢晢, 但可惜經驗不足, 能力有限… 始終教得冇乜系統… 每當媽媽有新挑戰畀晢晢時, 媽媽都會好積極同晢晢練習~! 當晢晢完成挑戰時, 媽媽當然會好開心, 但當一手兩手準備都畀晢晢攻破時… 媽媽又會跌入迷茫中, 唔知下個task做乜好??   

啱啱同晢晢做咗個review, 其實係做畀媽媽自己, 本想有個clear picture後就開始再計劃下一步… 不過度度下, 真係有D頭痛… 樣樣都話愈早教愈好, 真係人都癲!  

好在媽媽身邊有班好友不時提醒: 放鬆D啦媽媽~~  

係既~~ RELAX~~~! 媽媽咁畀心機教晢晢係為咗培養晢晢學習興趣~ 搞到咁大壓力已經唔係果回事啦~~  

好啦~! 晢晢, 媽媽知道要點做架啦~~~

學習, 係唔會停!! (晢晢心諗: 媽媽你又話知點做…)

但要開心學習~! (晢晢: 好過冇啦~!)