食壽司

晢晢食嘢最令媽媽頭痛~! 事關晢晢真係好偏食, 煮親乜畀佢第一時間就係拎頭~~ 有時見到隻匙更仲走人tim! 真係激C人! 

某日爸爸就話喇: 晢晢日日都食埋D咁o既嘢, 係人都悶啦~!! 要畀佢試多d唔同o既嘢先得嘛~! 跟手爸爸就去咗吉豬島買壽司畀晢晢食...

開頭晢晢都唔信我哋會畀佢食壽司... 唔敢拮...

晢晢: 真係畀我架!? 咁我食架啦~!

晢晢個樣係咪好滋味呢~~~!??

大家咪畀d相呃到呀! 晢晢食呢件蛋蛋壽司未有一半已開始lur飯!!! 玩飯!!! 乜都玩一餐, 只係唔食!! 爸爸以為晢晢唔鍾意食蛋, 之後再畀蟹柳, 蟹足捧, 鰻魚... 通通都唔食!! 淨係愛嚟玩!!! 激氣!!!

晢晢, 你咁曳丫嗱!! 下次都係食返粥啦!!! 哼!!