晢晢成長發展 21個月

已經21個月大o既晢晢, 雖然喺各項發展上已經再冇大驚喜, 但媽媽都想來個紀錄, 睇下有咩需要改善都好~~

語言表達:

能夠聽懂純語言的複雜指令, 能夠說簡單短句 (eg: 我要xx丫! 畀畀xx丫!) 發音方面, 英文能發3個音節, 4個音節仍努力中~! 中文方面尚算清楚, 但某些生字有點印尼口音(跟得工人姐姐多…), 例如: 香蕉變 “向蕉”, 好搞笑變 “好搞燒”…

認讀/認知能力:

英文方面, 能認及讀出的生字(純文字)已有二百個以上(媽媽已冇再數落去lu), Alphabet無論大小楷隨意抽問都能一一認讀! 連媽媽最初擔會混淆的“b” 及 “d”都能正確分辨~!

中文方面: 一直進度都麻麻, 但自從分單元去教, 有明顯進步! 雖然仍是廿多個生字, 但只需教數次已能學會, 之後亦能百分百認讀出, 媽媽已經滿意了~!

辨認顏色方面: 無論純文字或顏色都能順利認讀 red, pink, orange, green, yellow, blue, black, white, gray, brown, purple 但未懂用中文表達...

辨認圖形方面: 能認讀(字)及辨認circle, rectangle, triangle, square, oval, diamond, star 但未懂用中文表達...

數學方面: 1-10及one-ten都能認讀, 現正努力學習11-20 及 eleven-twenty… 數學概念上, 經常自行逐粒數珠仔/手指/腳指, 又會數住媽媽沖幾多匙奶粉… 現正重拾掉低已久o既點數咭得閒閃下~!  

小肌肉:

發展尚算滿意, 穿珠仔, 疊1寸積木(10粒以上), 入錢箱, 入超細粒通粉進小孔, 用筆畫直線及圓圈, 貼貼紙到格仔中… 通通都能做到! 唯腕力仍有進步空間 (媽媽發現當晢晢左右手交替倒水時仍有少許甩漏, 正加緊練習中, 漸見改善) 

大肌肉:

發展理想, 手方面: 擧, 擲, 推, 拉… 腳方面: 跨, 跑, 踼, 轉, 單腳站立… 已很穩妥~! 近來正自行練習跳躍動作! 久不久都跳起一兩下(雙腳離地)

自理能力:

使用餐具理想, 舀, 拮食物及用開口杯已很穩妥, 但因偏食問題每每未能順利自行完成整餐正餐(eg: 粥仔), 但對於喜愛o既食物(例如水果)就能企理地完成! 其他起居生活方面, 上個月開始刷牙吐水訓練, 現已十分純熟! 另外, 若穿著較寬鬆衣物, 能自行脫掉全身的衣服(eg: 當準備沖涼時)! 亦能在少許協助下自行穿上外套及褲子~!  

進食:

一日4-5餐正餐: 朝早160ml奶 + 少許固體如通粉, 午餐1-1.5碗粥或飯(有肉有菜), TEA 160ml奶或小食, 晚餐1-1.5碗粥或飯, 臨瞓有時會要求吃奶約120-160ml, 但不是必須~! 另外每日都會食生果, 又會飲大量水及少許果汁~! 非正餐亦吃不少, 例如紫菜, 粟米片, 餅等各樣零食… 總之婆婆/Yoyo食乜佢又要食乜~!

睡眠:

自19個月大開始每日只有0-1.5小時小睡(太少啦!!!)!!! 晚間由起初6pm-6am (太早瞓啦!), 到現在調節到9pm-7am, 共10-11.5小時! 睡眠時間仍有不足! 但可喜是, 晢晢晚上睡覺係零扭計, 當完成所有睡前活動後, 放上BB床便會自行入睡~!

表達便意(戒片):

BooBoo方面, 於10個月大時已懂得叫 “ng呀ng呀”及纏著大人表示急BooBoo! 除了數次因肚痾而便於片中, 未試過有一次甩碌~! 現在便意表達更加清楚, 會拖著大人的手到廁所門前叫 “痾ng ng呀”及自行拉低褲子表示~!

VV方面, 16個月大時開始會表達急VV, 及後幾個月都能以語言“痾豬豬”表示… 曾經有段時間可以全日冇濕片, 但後來不知可故又忘記了… 幸好近來有點進步, 每朝起床都會跟媽媽用語言 “wet wet 呀”表示要VV, 在婆婆家時又會拉著大人的手到toilet門前及拉低褲子, 並用語言“痾尿呀”表示~! 雖未能百分百, 但進度尚算滿意~!  

情緒:

接近terrible 2, 脾氣大咗(尤其日間於婆婆家中), 自己主意多咗, 但程度暫時仍可接受, 尚算肯講道理, 至少不會無原無故發脾氣, 又不會特別依賴某人(例如指定要跟媽媽/爸爸等)~! 耐性方面, 雖然比以往低, 但經過長時間count 1 to 10 訓練, 當晢晢心急要得到某件時, 只要我哋講句: “等待”, 晢晢仍會乖乖地自行數完1-10(有時甚至數埋one to ten)然後繼續耐心等候~! 喺媽媽心目中晢晢最差o既行為係發脾氣時 “R”腰向後撻(爸爸話再咁要打喇!) 

品德:

會主動say hello, thank you, 謝謝, bye bye~~ 尤其每次出電梯必會主動與電梯內的人say goodbye~! 另外, 晢晢願意分享, 即使是他心愛o既零食~! 亦開始有同情心, 當媽媽受傷呼痛, 晢晢會給媽媽一個BIG HUG~! 並會拍拍媽媽背脊表示安慰~!  

專注力:

雖未至於100%坐定定, 但總算能專注地玩上同一件玩具10-15分鐘, 也能專注地聽10-15分鐘故事~!  

本月驚喜

晢晢可以只用游水手袖下, 向前游咗好多步~! (晢晢, 明年暑假帶你學游水好嗎???)

總括而言, 晢晢發展平均, 喺媽媽心目中已經好滿意喇~~~! 晢晢你要繼續努力呀!!!