星期日游完水都成3點幾, 但爸爸位住喺香港仔o既朋友話難得入到嚟大西北, 不如去埋濕地公園咯~! 雖然公園5點就閂門, 但見我哋張半年票仲未到期, 一於奉陪~!
環境都真係好靚架~!
時間緊迫, 今次都只係行內館~!
哥哥影緊相時, 晢晢無啦啦做攝石人~ 好搞笑~! 
濕地公園裡面有個兒童遊樂場, 但次次嚟親晢晢都冇得玩(一係未夠高, 一係H1N1唔開), 今次終於玩到啦~! 晢晢不停同哥哥上上落落, 玩得好開心呀~!
行咗個幾鐘, 喺入面食埋個tea就離開出城食飯lor~~~
雖然只係玩咗短短個多小時, 但都不失為一個好好o既親子活動丫~!
沒有留言:
張貼留言