一家三口去飲 15.11.09

本來想寫標題為「晢晢的第一次飲宴」, 但突然醒起, 爸爸之前已經單拖帶過晢晢出席兩次飲宴咯, 只係媽媽冇到啫…

<十個月大的晢晢第二次跟爸爸參加婚宴>

 

諗起果陣爸爸都好嘢, 一個男人單拖帶個BABY仔周圍去, 仲要果陣晢晢仲係食緊媽媽奶, 又冰袋, 又衫, 又片, 又座奶, 又呢又路… 仲要做定心理準備晢晢隨時會扭計要識隨機應變… 爸爸有呢個膽量, 真係佩服~!  

講返今次先, 我哋<幼兒樂園>放學後, 就齊齊飛的趕去觀塘浸信會參加Milky & 美遠o既婚禮~! 禮成之後爸爸媽媽食個Tea, 晢晢又take個nap, 就齊齊到酒樓~! 

一到場, 爸爸好唔客氣咁拆咗人哋佈置用汽球畀晢晢玩...

同新人合照時, 晢晢竟然掛住玩波波!!

呢晚晢晢都玩得好開心, 好多人聊佢玩, 又同晢晢影相~! 是晚最搞笑係, 當人人舉杯講「CHEERS」時, 晢晢又跟住舉起支奶奶同我哋掽杯講「CHEERS」, 之後又學人哋飲兩啖就放返好支奶奶喺面前~! (仔, 正經d食奶好唔好!?)

跟教會朋友的合照（留意到嗎?晢晢好似新娘咁換咗衫呀~!)

到同媽媽合照啦... 但冇張正經...

媽媽:「晢晢, 你條頸冇事嘛?」

晢晢:「好眼瞓啊...」

去飲有咁多好嘢食, 緊係要咩都畀D晢晢食下~! 不過是晚菜式如: 乳豬皮, 西芹, 虾, 瑤柱, 節瓜, 珊瑚螃, 魚… 晢晢統統都唔食… 成餐只食咗少少乳豬肉 + 數啖芬達… 嗮料~!

大概11點多, 我哋一家三口就離開打的回家lu~! 倦極o既晢晢已經開始攰到唔停口講嘢(唔知係咪個個小朋友都係咁呢? 一攰過龍就會係咁講講講…), 一上到車就係咁講:「叔叔呢(指司機叔叔)? Driving…」同一句講超過廿次以上… 好在車行咗一半就瞓咗咋…

呢晚爸爸媽媽都攰到得返半條命, 沖完涼諗住瞓餐飽, 點知瞓到半夜爸爸D呼吸聲突然響過警鐘! 媽媽嬲嬲哋拎個枕頭蓋住爸爸個頭!!! 哈! 果然好隔音! 不過過咗一陣, 竟然完全冇晒聲, 媽媽幾驚錯手焗C咗爸爸呀! 嗱嗱聲拎開個枕頭睇吓爸爸有冇事~! 點知一拎開… 又響過!!! 媽媽嬲嬲地伸咗爸爸一腳, 第二朝同爸爸講返, 爸爸竟然完全唔知發生過呢D事, 仲話:「唔怪得我好似瞓得唔好咁啦」作你個C, 而家邊個畀人嘈醒, 邊個瞓得唔好呀!!! ???

晢晢:「去飲好好玩呀? 不如去多幾次丫~!」

媽媽:「咪啦, 去一次都好破費架, 我帶你去第二度玩好過啦~!」