晢晢:「今日梳咗個蛋撻頭, 型仔嘛~!?」
晢晢係咪好靚仔呢?
婷姨姨一見到晢晢著成咁又梳咗個咁o既頭就話:「晢晢一定係去完interview喇~!」… 非也~非也~! 只係是晚要去飲啫~!
晢晢:「咦, 點解姐姐喺度o既, 爸爸呢?」
呢日我哋有朋友結婚, 爸爸要做兄弟, 一早5點多就出咗門口, 所以今堂要姐姐幫手同媽媽一齊帶晢晢返學咯~!
好彩早咗到, 可以玩多兩款~~~ 呢個Thomas火車屋企都有啦, 平時又唔見你玩??
今日仲玩咗「釣魚」, 見佢可以坐定定玩咁耐, 放學走去買咗部釣魚玩具(呢~ 轉轉吓, d魚就口擘擘果d呢~~
)
雖然穎穎同學喊足半堂
, 卓卓同學又瞓足半堂
, 不過媽媽唔知點解覺得呢堂特別熱鬧, 尤其喺圍圈圈唱歌仔時, 每位小朋友都顯得特別開心~! 而當婷姨姨跟小朋友點頭打招呼時, 每個小朋友都跟住齊齊點頭, 媽媽坐喺佢哋後面睇, 真係好齊.好合拍! 連婷姨姨都話:「爸爸媽媽係咪返去做過特訓? 今日咁齊o既, 之前都未見過喎~!」, 其實果一刻媽媽都有d感動… BB們真的長大了~!
婷姨姨要求小朋友自行分類放好樂器(沙槌及搖鈴), 放妥後就同婷姨姨「叮」(即點一下手指)
今日唱咗好幾首新歌仔, 不過好有「春田花花」feel
(鵝悶C快樂的好耳痛… 咩意思? 冇粒字啱音咁解lor~~), 媽媽都忍唔住偷笑~! 之後又唱到「打開雪櫃, 打開雪櫃…」, 原本婷婷想唱「有雪糕」, 點知有位家長唱咗「有隻蚊」… 又笑C媽媽喇~!
今堂唱遊時間都係冇跳舞, 改為「競技遊戲」
, 每位小朋友要先舀一隻乒乓波, 然後帶住個乒乓波走過放滿障礙物o既路, 其間要懂得避開障礙物而行, 最後要將個波波投入對面o既籃子內…
不過晢晢晢犯晒規咯...
玩完競技, 洗過手, 就開始下一環節…
今堂婷姨姨將圖功同茶點合併, 變成「小食製作時間」, 完成後就可以齊齊食…
晢晢正在留心聽婷姨姨講解小食o既製作過程, 姐姐靜靜雞喺媽媽耳邊問:「點解晢晢喺呢度咁乖o既?」... 可以想像到晢晢平時喺婆婆家係幾反斗
…
今日要製作o既食物喺「粟米粒提子乾筒」(呢個名係媽媽作的~!), 將粟米粒提子乾撈掍後就舀入雪糕筒直至舀滿, 完成後就可以開餐~!
可惜晢晢撈咗兩吓, 就將碗中僅僅兩粒提子乾拎走交畀媽媽, 之後將成隻碗粟米「對」畀媽媽話:「我要apple」
… 媽媽邊有apple畀你!? 晢晢就勉為其難食「齋筒」… 期間媽媽努力說服晢晢舀d粟米雪糕筒內, 好彩晢晢都應酬咗媽媽舀咗一匙咁大把… 可惜, 晢晢食到最後一口有粟米就成啖連筒lur晒出嚟
… 婷姨姨曾經想用奇異果利誘晢晢食一粒粟米, 但婷姨姨有所不知, 晢晢已經連奇異果都唔食喇… 結果成餐就只係食咗個筒… 眼見每位同學仔都食得津津有味, 愈來愈覺得晢晢偏食問題嚴重喇…
晢晢:「今日冇嘢啱我胃口o既…」
放好餐具, 拎埋手冊就放學趕下場lu ~
呢堂係尾二堂, 下堂唔會再有課堂上, 改為開畢業Party~! 時間過得真係快… 好好好好好唔捨得啊… 講到呢度, 媽媽又想
… 希望下堂Party玩得開心, 又希望將來大家會再約出來聚聚啦~!
沒有留言:
張貼留言