重陽假期黃金遊

上星期一係重陽節假期, 本來爸爸見天氣咁好都好有興致, 一時話帶晢晢坐叮叮(電車), 一時又話去「挪亞方舟」, 轉頭又話香港一日遊… 點知一家三口食完晏仔就懶洋洋, 齊齊瞓咗個靚覺到3點多先扎醒~! 見時間唔早, 媽媽就提議近近地去黃金海岸打個轉relax吓~!  

撘撘下車爸爸無啦啦拎支珍寶豬出嚟, 爸爸仲妄想同晢晢講條件:「嗱, 三聲架咋, 數完三聲要畀返爸爸架~!」媽媽心諗: 平時汽水薯片時時有得食就話有價講, 珍寶豬咁耐先食一次晢晢點會聽你講丫~! 結果當然晢晢大獲全勝~!

咁靚o既景, 趁天未黑快快影返幾張靚相先~!

同晢晢影相時我哋叫晢晢「smile」, 後面個外籍妹妹聽見就拮個頭出嚟齊齊smile, 好得意~!

晢晢:「Hey girl~ nice to meet you~!」

我哋叫晢晢say "U", 晢晢就變咗隻賴cute既豬仔~!

行咗一陣個天就開始黑, 就去咗一間食餐廳食pizza, 味道唔錯~! 不過後來問返朋友, 原來呢間餐廰最好食o既係羊肉pizza, 但媽媽點咗最普通o既「至尊」, 錯晒…!

食完飯, 兜多個圈, 順道買件手信(包包超人)就返屋企lu~!

爸爸問:「晢晢, 包包超人呀, 鍾唔鐘意呀?」

晢晢話:「鍾意~!」

畀錢後…

爸爸:「晢晢, 拎住隻包包超人啦~!」

晢晢話:「唔愛呀」

媽媽: 「又玩嘢!?」

晢晢: (我睇你唔到… 我睇你唔到…)

可憐的包包超人, 本想同你影張相時已經連C骸都唔見... 陰公...