遊海洋公園 12.12.09

12月12日係爸爸o既正日生日, 咁啱呢日係星期六, 媽媽美其名同爸爸到海洋公園賀生日, 實質貪佢生日免費, 一人價錢三人同行, 媽媽係咪好「精」呢~!  

門口影全家福緊當然唔少得~! (爸爸同晢晢齊齊做粉紅救兵啊~!)

雖然媽媽數口精, 但如意算盤打得未夠響! 因為呢日其實我哋有帶埋姐姐一齊嚟, 所以都係要畀兩個人錢啊~! 不過好在有姐姐咋, 否則一定攰C咗~!

有姐姐喺度, 爸爸媽媽可以短暫二人世界玩滑浪飛船~! 正!

呢個景... 媽媽細時影過, 所以特登叫爸爸停低拍全家福留念~!

最長的電梯, 晢晢都搭過啦~!

唔知點解!? 晢晢呢日「米」字不再...

行到「太平洋海岸」, 媽媽見到晢晢騎住隻東東就話:「晢晢, SEA LION~!」晢晢竟然答我:「SEAL 呀」, 到底呢隻係SEA LION 定 SEAL呢???

 晢晢初初咁近距離見到SEA LION/SEAL經過都好興奮, 但睇睇吓覺得唔對路, 喊驚驚~要媽媽抱~!

睇完SEA LION, 就懷住興奮心情試搭傳聞好吸引o既「海洋列車」~~~ 試過後...

原來不外如是... 極其量只是「交通工具」, 冇咩特別~!

上車前晢晢見到對聖誕襪竟然叫:「扎馬」! 仲做埋出嚟... 真好想像力~!

媽媽: 「左下角條娃娃魚真係好肉酸呀!」 但晢晢話:「好得意呀!」

喺兒童王國晢晢玩咗sir滑梯, 攀石同跳彈床, 消耗大量體力...

終於到四點幾... 頂唔住... 食完奶就瞓...

趁晢晢瞓咗, 爸爸媽媽再次二人世界, 走咗入「聖誕老人奇幻屋」行吓, 不過入到去覺得更啱晢晢睇, 真有d衝動想出去叫醒晢晢入嚟影相啊!

之後出到嚟竟然見到「上帝光」, 晢晢又錯過咗...

之後過返對面行, 今次坐纜車~ 咁先有返d海洋公園feel~~

到海洋館, 爸爸話呢度好靚, 晢晢唔睇好嗮, 所以格硬整醒睇咗唔夠半個鐘o既晢晢... 睇吓佢睡眼惺忪個樣~ 十級無奈~! 不過真係好靚, 好值得睇~!

晢晢見到水母個反應幾搞笑!!! 返到屋企仲記得SEA JELLY 會「卜卜卜」咁游水~! (隻手掌縮吓縮吓扮水母游水形態)

行到差不多6點就離開趕下場喇(食日本菜), 晢晢喺纜車上唔知點解知道要走咁, 不叫喊晒口話:「BYE BYE OCEAN PARK, 我要SIR滑梯呀!」

咁唔捨得走, 咁影多兩張相留念啦~!

呢日雖然玩到好攰, 但真係好開心, 希望有機會再嚟啦~!

再見啦 OCEAN PARK, SEE YOU~!