晢晢的新魚缸

差D唔記得紀錄, 晢晢個魚缸已經由十多吋的小魚缸換成三十多吋的巨魚缸, SIZE仲大舊個以前D「大牛龜」電視!!! 全都是爸爸o既主意!

 

魚缸大咗, 當然又要買多D魚魚牚下場, 結果買下買下, 而家個魚缸大概有百多條魚咁制… (媽媽問爸爸:「買到幾時先停?」爸爸話:「停架啦, 停架啦!」) 

晢晢好鍾意D魚魚, 日日都話要去餵魚魚, 餵完一粒又一粒, 而家我哋仲同D魚魚改埋名添呀~!

其中一條大「清道夫」, 因為晢晢第一日就叫咗人哋做ALLIGATOR, 所以爸爸媽媽又叫埋佢做「ALLIGATOR」, 另外有幾條細o既就叫佢做「迷你ALLIGATOR」~! (佢哋成日呢埋, 所以影唔到相喇~!) 

另外有條魚魚, 因為成日十分遲鈍, 食物經過咀邊都唔識張開口食, 所以爸爸改咗佢個名做「懵柄」!(sorry, 粗魯咗少少~!)

佢就係「懵柄」啦!

仲有呢條, 係晢晢最愛, 佢叫「米奇魚魚」, 因為尾部有個米奇標誌! 日日都會講:「米奇魚魚呢?? 吖, 喺度! 好嘢, 米奇魚魚呀!」

呢幾條魚魚有咗, 所以入咗「產房」待產!

咦~點解呢幾條魚魚畀人軟禁o既!?

以上o既魚魚叫「非洲王子」, 係行金魚街時晢晢要求我哋買o既, 點知一放落缸, 生性兇殘o既佢竟然襲擊其他魚魚, 所以唯有困住嚟養啦! 

養魚, 仲要咁大缸魚, 其實媽媽起初都有D抗拒, 一來「牙咋」, 二來要花好多時間打理~! 不過日日對住, 對下對下又覺得幾得意~! 有時媽媽抱住晢晢, 然後坐喺按摩椅上邊按摩邊睇魚魚, 感覺… 都幾寫意~! HEEHEE~!