晢晢的正日生日 - 2009年12月6日

只係生日都用咗4篇幅紀錄, 可想而知晢晢B幾矜貴~!

晢晢正日生日當日由於朝早要返「幼兒樂園」, 晚上又要出席飲宴, 所以都冇特別安排慶祝活動, 只是相約咗一班教會弟兄姊妹下午於教會辦公室開簡單o既Birthday Party~! 由於媽媽冇預料有咁多人出席, 所以預少咗食物, 真係唔好意思呢~! 

生日Party片段

 

晢晢呢日仲收到好多生日禮物! 真的十分感激大家賞面出席之餘仲咁有晢晢心~! 唔知係咪大家都知道媽媽支持早教呢? 差不多大部份禮物都係教材, 楚偉叔叔仲講笑話:「晢晢心諗, 你哋送咁多教材畀我, 我有排溫書咯~!」哈哈~! 唔怕啦, 晢晢好鍾意學習架~!

其中一份係Lulu EE送的認知書, 媽媽急不及待拎本「動物」畀晢晢睇~! Lulu EE驚見晢晢已能讀出書內所有動物的名稱而大嘆買錯禮物~!  其實又點會呢? 呢套書仲有好幾本晢晢未識的東東, 例如「昆蟲」呢本有部份都有點深, 晢晢仲有排學呀~!  

其他收到o既禮物仲有豪叔叔送的撈魚魚同Flash Card, Fanny EE同楚偉叔叔送的益智遊戲書, 寶EE送的海龜拼圖, 仲有一份係Ivy EE送畀媽媽o既書, Ivy EE話: 「我知道一定好多人送禮物畀晢晢架啦, 所以買兩本書送畀媽媽啦~!」哈~! 仔仔生日媽媽有禮物收~~~真好!!! 真係好多謝咁多位啊!  

Party完咗之後, 原本都冇安排節目, 但爸爸個朋友十分有心, 專誠駕車嚟接我哋到又一城同晢晢切蛋糕~! 本來想食間好d, 不過全部都要等位, 所以最後食KFC~!

晢晢: 「雪糕蛋糕~~~ YUMMY~! 」

呢日晢晢突破性地食粟米, 仲大大啖好滋味果隻!

晢晢另一招牌表情~ U~!

食飽飽就同晢晢到Toyrus選購生日禮物, 可惜揀唔啱~! (唔緊要啦~! 晢晢喺Toyrus都玩夠咯~!)

 

大概玩到6點多, 我哋一家三口就先行離開趕下場~! (係呀! 已經10am玩到6點多, 但仲有下場…), 呢晚係爸爸表姊o既大喜日子, 我哋舉家去飲咯~!

右上: 晢晢跟大伯合照~! 左下: 晢晢其實好似爺爺~!

 

晢晢呢晚成晚黐住爺爺嫲嫲(可能講成「爺爺嫲嫲成晚黐住晢晢」更貼切~!), 爸爸媽媽難得地可以抖一抖~! 加上是晚飲宴RUN得非常暢順, 9點多d已經食翅, 10點多就散席 (近年來飲宴從未試過咁早就散席啊!), 我哋一家三口12點就返到大西北ZZZ~! (已經算早lu~!) 

晢晢一連串生日慶祝活動終於完滿結束~! 明年再見~!

 

順手介紹埋晢晢早前收到的禮物先:

晢晢今年仲收到大伯送的<小寶寶學漢語>, 姨媽們送的Noddy Sing Along VCD, 仲有8小B船P交換禮物時CARMAN EE送的積木... 

今年晢晢可謂大豐收咯~! 再一次感謝咁多位~!