玩玻璃珠

買玻璃珠原意係想教晢晢數量, 尋晚拎出嚟玩時, 媽媽叫佢邊數住邊同d珠仔排隊, 開始時都肯玩, 不過排排下就開始唔耐煩… OK OK, 冇問題, 見招拆招!

媽媽即刻將D珠仔砌成笑臉, 晢晢見到就話「SMILE」, 然後自己又做出招牌「米」字笑容! 超過癮!

然後媽媽繼續發揮創意, 亦考考晢晢o既想像力, 以下呢個又係咩呢!?

晢晢話:「嗚嗚嗚… 喊呀, 喊呀!」

之後媽媽再叫晢晢加上鼻子和耳朵…  

跟住媽媽再砌出以下圖案, 晢晢即刻搶答:「FLOWER」

以下呢個原意係一個生日蛋糕, 但晢晢估唔到… 呆咗! (媽媽砌完都有D唔好意思!) 唯有唱返首 HAPPY BIRTHDAY TO YOU 搭救~! 哈哈~!

晢晢砌緊雨水, 仲唱埋:「RAIN RAIN GO AWAY!!」

RAINNING緊係要返把UMBRELLA啦!

砌到咁上下, 媽媽冇乜貨, 唯有拋個波畀晢晢, 原來晢晢期待咗好耐, 佢第一時間砌成以下圖案… 晢晢話:「SNAKE」!

好奇怪, 晢晢話呢個係STARFISH!

好啦, 媽媽話夠鍾收~玩~具~! 晢晢:「玩多一陣丫!?」

晢晢好鍾意呢個遊戲呀, 玩完仲乖乖收拾珠仔返房準備瞓覺! 抵錫!

收好玩具, 媽媽讚晢晢乖~!

 

後感: 似乎媽媽應付兩歲o既晢晢愈來愈有心得! 再一次成功扭轉局面, 令晢晢唔扭計之餘仲變得開心愉快, 聽聽話話!!! 唔數珠仔有咩問題!? 砌圖案一樣學到嘢!!! 媽媽得到一個「叻」!