新實物配對

晢晢鍾意走動, 所以媽媽都時時諗D可以畀晢晢動動手腳、動動腦筋o既遊戲畀晢晢玩~! 今次就自製咗D實物圖案咭仔畀晢晢做配對同分類!

呢D係廁所會出現o既物品, 當中有晢晢極少接觸o既電鬚刨同熱水爐, 大家估下晢晢會認出多少? 

其實類似o既遊戲之前都玩過http://hk.myblog.yahoo.com/myadrianbb/article?new=1&mid=671, 但果陣冇乜系統, 只係隨意見到d咩就跑去指出! 而今次就分晒類, 製作又精美(媽媽話o既!), 晢晢玩得高興好多~!

媽媽先攤開所有咭仔喺梳化, 晢晢一見到就好興奮, 唔駛媽媽講解, 已經極速通屋跑! 會先拎起一張, 邊跑邊大叫:「廁所有呀! 呢度呀~呢度呀~!」然後又會講出果件物品o既名稱! 又會大讚自己「好嘢!」, 相認完就跑回客廳, 拎另一張咭再認過! 有時遇到唔識講o既物件, 就會眼眨眨望住媽媽求救, 媽媽當然立即講出答案! 通過遊戲, 講一次晢晢就可以牢牢記住~!  

媽媽預備o既實物圖案咭(厠所物品類), 晢晢幾乎9成9都能認出, 連電鬚刨都認到(不過唔識講)! 唯獨一個晢晢認唔到--- 就係廁紙! 媽媽真係完全估唔到! 不過玩完呢個遊戲就當然已經學會咗啦!

另外媽媽仲整咗客廳物品同睡房物品咭, 晢晢又係玩得不亦樂乎! 見到拖鞋, 仲立即要求媽媽除出嚟畀佢!

呢個遊戲唔止做配對咁簡單, 仲可以玩分類遊戲, 教晢晢分辨厠所、客廳、睡房、廚房物品等等… 仲可以玩配對(eg: 晢晢知道牙刷配牙膏, pillow配blanket, sofa配cushion, table配chair)… 一樣咁好玩!!! 遲d仲可以玩埋配對生字!!! 一物幾用! 抵玩呢~!