德怡PLAYGROUP 第4堂 23.01.10

呢日一早起身就準備出門口歎早餐然後就「返學」, 不過呢朝早晢晢胃口唔係幾好, 早餐只食咗一啖奶, 連佢最愛o既出前丁丁都唔肯食… 

今堂繼續重溫Alphabet 同 Colour, 晢晢依舊玩得開心投入~! Ms. Anna叫佢做o既動作都願意follow, 茶點時個胃口又返晒嚟(食晒成件蛋糕), 睇嚟晢晢都幾鍾意呢度喎~!

今堂又有機會見到晢晢個班主任Ms. Wong, 似乎係一位唔錯o既老師, 希望晢晢會聽你話啦~!  

晢晢今堂o既圖工係一個類似搖鼓o既環, 完成後晢晢就拎住走來走去, 呢個時候Ms. Wong先提媽媽:「你唔影相o既?」(係喎…)  

不過晢晢走來走去, 想影, 都唔係咁易… (尤其媽媽只用手機影)

放學後, 媽媽畀晢晢喺PLAYGROUND玩一陣先走… 

晢晢:「好彈呀! 好彈呀!」

晢晢:「唉吔!」 （哈哈! 論盡到爆! 條尾仲有動感~!)

晢晢:「扮冇事先~! 唔知個頭有冇亂到呢?」

下星期就正式開學啦, 希望一切順利啦~!

小記: 放學時媽媽諗住同晢晢行下, 所以就揀咗行路返婆婆屋企開飯, 點知行咗大半路程先發現封咗路!!! 一位論盡媽媽帶住個小朋友又唔敢危險過馬路! 所以明明眼前就係婆婆幢樓, 都要折返兜返轉頭行過另一條路!!! 令原本10分鐘路程要30分鐘先行完!! 期間晢晢不時都叫住「好攰」,  媽媽抱一陣又頂唔順要晢晢自己行, 又行咗一陣, 晢晢真係攰到頂唔順(可能上playgroup時已消耗不少體力), 又知媽媽抱唔掂, 竟然自己走到花甫前o既石級坐低休息~! 睇見佢一坐低就呼一口氣個樣真係又好笑又可憐~! 最尾一段路, 媽媽頂硬上抱到上樓~! 一入到婆婆屋企, 飯都未開, 晢晢就瞓咗, 真係難為了晢晢~!