1月15日係婆婆生日, 想食餐好, 又要就腳, 最後就決定到流浮山食海鮮!
喺車上媽媽不停同晢晢講, 呢日係婆婆生日, 要同婆婆講「婆婆, 生日快樂~!」 結果晢晢一見到婆婆就大叫「婆婆」, 但要媽媽提先記得講「生日快樂」…
是晚美食包括: 飽螺海鮮湯, 上湯焗龍虾, 椒yim賴尿虾, 金蠔, 蒸xx班, 蒜茸蒸扇貝, 豉椒炒聖子, 炒豆苖, 食神炒飯… 唔知有冇數漏呢!?
一向唔好海鮮o既晢晢, 媽媽都冇乜期望, 畀佢試過飽魚, 賴尿虾同扇貝都係lur之後, 就放棄lu… 成晚只食咗半碗湯 + 一盒250ml麥精 + 幾啖粉絲 + 幾條龍虾的伊麵底 + 半盒自備的blueberry + 幾啖炒飯 + 少少魚 + 幾啖可樂+ 一片西瓜 + 少少生日蛋糕的cream = 晢晢的晚餐~! (好似食咗好多嘢, 但冇樣正經!
食到尾聲, 朱精姨媽帶咗晢晢到門口睇賴尿虾, 返到嚟就睇見晢晢邊用手指畫畫面珠邊話「賴尿虾~醜C怪!」哈哈~! 笑C媽媽~!
難得一家人聚埋一齊, 緊係要影返張全家福~ 三代同堂!
晢晢:「媽媽呢?
晢晢:「好大風咩? 媽媽你個頭亂成咁o既?」媽媽:「問問問! 望鏡頭啦!」
晢晢:「都唔知你哋想影到幾時, 都係咬啖西瓜先~!」
婆婆, 祝你生日快樂!
身體健康! 龍精老虎猛!
D孫激你少D! 氹你多D!
總之日日都開開心心~!
恭喜~恭喜~!
沒有留言:
張貼留言