晢晢:「今堂我都好乖wor, 係咪抵鍚先~!?
呢朝早爸爸媽媽特登早d出門口, 早咗半個鐘頭到TST就去嘆早餐, 而晢晢就小睡咗半個鐘~! 差足電, 所以上堂表現唔錯呀~!
晢晢:「我要疊高D, 婷姨姨幫下手抱高我丫唔該~!
唱歌仔時間, 今堂終於輪到晢晢做小班長, 拎住樂器盒走到同學面前講:「請~」(晢晢把聲好高音~好似女仔!
睇下晢晢個樣幾認真~! 晢晢:「我會做好呢份工!
到故事時間, 今堂亦係講有關巴士o既故事, 大部份小朋友都好留心~! 當講到某d情節時, 晢晢會好興奮咁走到婷姨姨前指住本書講:「bus 呀~ bus 呀~ 哈哈哈…
(小記: 一直對卡通人物冇特別偏好o既晢晢, 唔知點解今堂開始揀凳!? 自己揀咗Hello Kitty又話要坐Anna張巴斯光年! 仲試過趁人哋走開咗偷坐人哋個位! 又唔知點解今堂晢晢離座後鍾意倒後行!? 但次次都偏離航道, 坐咗幾次Anna大脾! 真係唔好意思呢~!
之後婷姨姨又拎咗兩架玩具巴士畀小朋友一個傳一個咁睇, 佢哋真係會好仔細裡裡外外慢慢研究~! 傳到晢晢隔離位o既Anna時, 晢晢想格硬喺Anna手上搶, 婷姨姨見狀及時制止並教晢晢要等, 好在都勉強地頂到最後一秒; 之後輪到晢晢要傳畀下一位同學, 呢頭畀完人哋, 果頭就想攞返! 爸爸當然再一次制止, 好在呢次都係有驚無險地過渡, 真係一額汗~!
仲有呢架像真度好高o既吹汽巴士! 婷姨姨教小朋友喺巴士經過時揮手截停, 然後再畀八達通佢哋嘟~!
到圖工時間, 婷姨姨預備咗一張繪有巴士o既A4 Paper, 然後要求小朋友貼上車碌同「乘客」(乘客全都是迪迪尼角色), 用意係訓練小朋友手眼協調, 同類遊戲媽媽一早跟晢晢玩過, 晢晢當然駕輕就熟~!
完成後, 晢晢同爸爸講:「睇吓~ 幾靚~!
洗完手, 就到茶點時間, 今堂係食蓮霧, 依稀記得晢晢細時(好似未夠1歲)會成個拎住咬, 而家? 哼! 婷姨姨出盡法寶都唔肯食!!!
睇吓晢晢個衰樣, 當時婷姨姨氹緊佢食蓮霧~!
放好餐具, 拎過手冊就say BYE BYE 啦~! 下堂見~!
沒有留言:
張貼留言