幼兒樂園 - 第四堂 - 04.10.09

今堂係第一次喺新課室上堂(餘下6堂都會喺呢度上lu), 地點係總部對面o既商廈… 地方大咗, 但配套不及舊課室, 而且是日其中一部冷氣壞咗… 帶埋mask… 好焗… 但整體係可以接受~~~ (希望下堂部冷氣好返啦~!) 

喺唱歌仔時間, 晢晢比上兩堂都投入, 唱到佢熟悉o既<太陽伯伯>時仲唱咗兩咀~! 而喺叫名交還樂器時又做得唔錯~!

到故事時間, 今堂導師係講關於BooBoo同殊殊o既故事... 唔知係咪題目切身, 明顯地每位小朋友都聽得好投入~! 晢晢隔離位同學仔仲聽到急VV要媽媽帶去toilet tim~~~

小記: 落堂後同爸爸傾返, 爸爸認為小朋友較之前投入都同新課室有關, 因為舊課室小朋友聽故事時係面向窗(新課室係向牆), 一來導師聲音會散, 二來小朋友好容易被窗外景物分散注意力~! 聽落又好似有d道理wor~~~

之後圖功時間, 今堂所玩o既係晢晢第二最愛 --- 泥膠(第一最愛係波波), 配合其他工具, 碌下, 义下, 切下, 吸下模仔… 晢晢玩得好開心~!

到唱遊時間, 晢晢都尚算投入~! 但... 都係偏呆... 點解呢??? (片要喺下一篇blog先睇到喇) http://hk.myblog.yahoo.com/myadrianbb/article?new=1&mid=566

洗完手就到茶點時間, 晢晢示範正宗祈禱... (感恩~! )

是日茶點其中一種食物係連皮西瓜, 導師要求小朋友要知道d皮係唔食得, 進深d... 仲可以教埋佢哋吐西瓜核… 本來媽媽對呢兩項挑戰都好有信心, 一來晢晢試過好幾次同爸爸食西瓜, 二來晢晢一向識吐核…  點知… 晢晢見到d連皮西瓜竟然叫"驚驚... 唔愛"… 仲想畀成碗西瓜畀隔離位同學穎穎食! 導師見狀, 就將晢晢d西瓜改頭換面 --- 去皮, 切粒再加隻义… 哈哈~! 果然咁樣晢晢就肯食wor… 諗返又係, 平時我哋畀晢晢食西瓜都係切到一舊舊然後用义食, 真係萬萬估唔到連皮後晢晢會喊驚~~ 媽媽又要同晢晢做特訓喇~~ ~~~ 

食飽飽, 放好餐具, 拎埋手冊就放學lu~~

是日係追月日, 導師仲送咗兩個mini紅豆月餅tim呀~! 多謝晒~!  

今堂晢晢心情大好所以表現算唔錯~!  不過我哋發現晢晢開始要黐人, 例如上堂時當晢晢見到爸爸/媽媽喺遠處影相時會想離座衝向爸爸/媽媽... 為咗唔影響晢晢日後上堂, 我哋或者會減少拍照, 都係以晢晢學習為重好D~~