課後餘興 – 中間道兒童遊樂場

<幼兒樂園>放學後晢晢仲有餘興節目, 就係約埋Anna妹妹同嵐嵐妹妹一齊去尖沙咀中間道公園玩喇~!

呢張係是日唯一一張晢晢跟Anna的合照(一人一隻馬仔)~! 佢哋都係活潑o既小朋友, 叫咗好多次唔都叫唔停佢哋一齊拍張照... 不過唔怕啦, 下次實有機會o既~!

呢度地方好大, 其中一邊有一個好適合佢哋年紀玩o既遊樂設施, 感覺頗安全, 媽媽都好放心讓晢晢畀晢晢一個人喺上面玩~!

晢晢夠高自己騎上馬仔玩lu~~

爬到咁高都唔駛怕, 因為四周都圍到好密~~

晢晢:「嘩~! 我sir啦~!」

呢日因為晢晢同Anna係先到公園(嵐嵐稍後先到), 所以晢晢對Anna印象較為深刻, 雖然佢哋多數各自各玩, 但晢晢都不時叫住:「Anna 呢?」, 搵完一輪, 見到Anna時就好開心咁指住人哋話:「係度呀~!」… 不過Anna就有少許cool, 好多時見到晢晢都掉頭走, 唔知係咪厭我哋晢晢唔夠靚仔呢!?   

到嵐嵐到步時, 喺「幼兒設施區」玩咗一陣已經厭唔夠挑戰性, 走去咗難度較高, 畀較大小童玩o既遊樂設施玩「擧石」~! 咪睇小嵐嵐係女孩子, 玩起上嚟都幾身手敏捷架! 喺姐姐協助下三兩下手勢已經爬到頂, 反而晢晢就論論盡盡, 要媽媽半抬佢上去! 抬到媽媽手軟~~~ (爸爸要幫手扶晢晢, 所以冇同嵐嵐影相tim...)

雖然呢日大部份時間都係「一齊各自玩」, 但媽媽發現其實晢晢已開始努力嘗試聊人玩, 又會主動同人講吓嘢睇吓別人反應.... umm... 媽媽覺得... 晢晢開始需要社交喇~~~~

或者呢度D遊樂設施太吸引, 個個都掛住玩, 所以佢哋少d交流~!下次試可以去d空曠地方, 誘導佢哋同對方玩, 或者咁會好D~~~