德怡開放日

今朝一早８點多就帶咗晢晢去參加德怡中英文幼稚園o既開放日, 仲順手做埋N1插班生o既Interview~!

時間有限, 報名相只係今朝用10多分鐘時時用舊相執一執, 貪佢笑容夠刹食~!　

呢間學校環境都算唔錯, 老師又好親切, 晢晢喺呢度都玩得好開心! 最開心就係喺大肌肉場玩「sir豬仔」時, 不過媽媽唔記得影相~!

今日晢晢喺呢度仲玩咗幾個不同遊戲, 好似做手功同喺outdoor playground玩吹泡泡同玩水等... 兩樣都係晢晢「飛弗」, 晢晢又點會錯過~!

晢晢: 「白膠漿... 黐立立我鍾意呀~!」

晢晢: 「d梘水係咪溝咗水? 吹唔出泡泡o既!?」

今日o既面試係由一位外籍女教師負責, 晢晢表現算唔錯, 入到課室有say hello, 有笑容, 老師用英文要佢做o既指令都聽得懂又肯做, 玩枱面上o既玩具又玩得好企理(好在在家訓練有數), 到臨走時老師送禮物時又識舉手兼say thank you, 走果陣又有say bye bye... 不過, 媽媽prepare定o既問題同「天才表演」就冇一樣用得著啦~~ 哈哈~!  而且今日晢晢都比平時活潑o既佢沉默 (媽媽最想你同老師表演招牌「米字眼笑容~!」)... 之後媽媽問咗有關課程內容, 功課數量同默書考試等資料就完咗今日o既面試~! (老師話N1插班得返1-2個位, 媽媽平常心~! )

Interview完咗我哋再去參加咗一個play group試堂, 個miss算帶得唔錯, 好有氣氛, 眼見在場每位小朋友都係好愉快~~ 貪佢近近哋報嚟玩下都唔錯!

完咗playgroup, 爸爸同晢晢繼續玩「sir豬仔」, 媽媽再走去睇埋間學校資料(尤其佢哋d教科書)... d內容都幾深~~~ 但媽媽又鍾意喎~! (晢晢: 「媽媽, 你變態架!?」)

今日一直留到1點多先走, 晢晢同媽媽都玩到散晒, 爸爸之後仲要返工tim呀~! 不過今日都算有收穫, 起碼多個play group選擇~!