某日, 媽媽, 婆婆, 姨媽同晢晢一行四人齊齊等西鐵, 因為車仲有數分鐘先到, 我哋就齊齊走到月台一張長凳稍作休息...
凳係以手柄分咗三個座位, 朱精姨媽坐左邊, 婆婆坐右邊, 晢晢就坐中間… 而媽媽呢~ 就站喺晢晢面前…
坐坐吓, 晢晢突然企咗起身, 仲跨過手柄格硬迫入朱精姨媽嗰格座位上同朱精姨媽share一個座位, 正當媽媽想話晢晢百嚴周身郁時, 都未開口, 晢晢就望住媽媽, 然後拍拍佢原先坐嗰格座位話:「媽媽, 坐坐丫~!」
OH!!!! 原來晢晢係讓出自己個位畀媽媽坐呀!!!
晢晢, 你真係好抵鍚!
媽媽鍚晒你!
好感動啊
回覆刪除[版主回覆10/30/2009 23:01:00]其實我果一刻都有d感動到想喊架, 不過屋企人喺度又唔好意思呢~~~
乖仔晢晢！EE錫晒你！
回覆刪除而家好多人都唔識咩叫讓座，我大肚、現在抱住曉詠咁，都唔會有人讓座架！真係唔知咩社會，咩教育，自己係教育界的都覺得有無攪錯，點解會教到D人無人識讓座，只顧自己的呢？我最記得有次搭火車，竟然聽見個阿媽教個仔等陣要衝入去搶位呀！嘩！真係好恐怖！
晢晢靠你了！要做個禮讓的好孩子！
[版主回覆10/30/2009 23:10:00]唉, 我大肚果陣都係好少人讓座架... 有一次最深刻, 搭輕鐵時有個男人本來想起身讓座畀我, 點知有個唔識o既C9制止佢兼大叫: "唔駛讓畀佢架, 佢好快落車架!"... (我估佢以為我喺幾個站後o既西鐵站落車, 但事實我係去屯門醫院, at least要20分鐘先到)... 真係唔明d人諗乜! even我第幾個站落都唔駛管人哋讓唔讓座嘛! 激死!
HAA~~咁攪笑，個C9咁講野的，你咪話LOR，就算我真係好快落車，只有幾個站，咁若果我係呢幾個站發生咩意外咁掂呀？而家D人真係........都唔識形容呀！都唔知同我們住個區有無關係！><
回覆刪除晢晢咁細個就識鍚住媽媽！真抵鍚呀！ 希望佢第日都會孝敬埋ivy ee啦！
回覆刪除