晢晢每晚瞓覺都幾聽話架...
自7月開始, 每晚到咗9點多, 完成所有睡前活動後, 媽媽就會同晢晢say goodnight, 然後放晢晢入BB床就立即離開睡房兼關門, 數分鐘再入返去, 晢晢就會乖乖變咗隻豬仔...
一直維持到尋日... 媽媽放晢晢入BB床後, 幾次返入房都見晢晢周身唔自在咁典完床頭典床尾, 點都瞓唔到... 媽媽諗住拍下佢PAT PAT暗佢瞓, 但都依然係咁典...
媽媽唯有靜心觀察, 無耐就留意到晢晢每次典親個頭都係枕喺堆被上, 隔一陣又拮起身枕喺第二堆被上... 媽媽就諗: 「唔通晢晢想瞓枕頭?
媽媽就即刻喺個櫃度抄返洗咗幾個月都唔記得拎返出嚟畀晢晢用o既枕頭仔! 果然一枕就立即入睡~~~ 原來, 晢晢大個仔, 要瞓枕頭仔啦~!
今晚, 晢晢有枕頭仔用, 又回復返正常, 放入BB床就乖乖覺覺豬冇扭計~!
媽媽又係o既, 晢晢都成22個月, 都唔畀枕頭人哋用, 真係大意喇~!
haa~~咁攪笑的！
回覆刪除你又係仲咩洗完唔俾返人地訓wor！
[版主回覆10/15/2009 23:11:00]我一向大事細心, 小事就粗心大意~~ 洗完放咗入櫃就忘記咗晢晢張床原本有個枕頭喇~! HEEHEE~~
个几月前我地都系发现ANNA成日枕系堆被度,又周床揾舒服位,所以买咗枕头比距呀....
回覆刪除[版主回覆10/20/2009 00:54:00]而家諗返, 其實大概個多月前晢晢已經成日個頭無定向床頭床尾輪流瞓, 果陣都諗唔起同枕頭有關tim ... 呢幾晚晢晢有枕頭, 果然「定向」晒~!