小手工 17.03.10

呢晚9點鐘晢晢已經話『要入睡房藹(藹)瞓』, 但突然爸爸打返嚟話『on the way home, 半個鍾後到』, 難得可以早返, 緊係即刻開檔搵嘢玩同晢晢止眼瞓啦~!

因為太過臨時臨急, 所以只好到曉詠個卜度睇下有乜嘢玩, 然後隨手拎張畫紙, 宣傳單張同漿糊就開始止睇瞓行動!!   

首先將單張撕成碎片(晢晢幾個月大已經有『撕紙王』呢個稱號, 所以呢個task冇難度~!), 然後用漿糊貼將紙碎貼於心形圖案內~!  

其間晢晢好小心咁逐張搽漿糊同貼上, 如果點多咗漿糊, 又會邊自己講『要少少』邊挖返多餘o既入漿糊盒中, 成個過程好企理, 好乾淨, 同幾個月前已經差好遠~!

晢晢專注地做小手工個樣真係好迷人~~

呢個就係製成品HEART喇~! 晢晢話要送畀爸爸wor, 爸爸收到冇!?

一日後, 媽媽同晢晢畫緊畫, 突然晢晢話:『I want… I want… I want… HEART』大懵o既媽媽一時間諗唔起咩HEART!? 晢晢見媽媽一面茫然, 就好醒咁走到貼到大門o既HEART前指住叫『唔該! 拎落嚟畀我』, 媽媽遞咗畀晢晢後, 就立刻坐定定叫『搣紙丫, glue 丫, 貼丫!』 

呢副就係新傑作 – 中間係爸爸, 左邊係媽媽, 右邊就係晢晢喇~! (晢晢, 仲有位wor, 想再整都仲得~!)