校園適應問題

晢晢已經返咗學成差不多兩個月, 但每朝返學都仍然係驚驚青青, 到底係晢晢未能接受分離, 還是學校唔適合晢晢?

爸爸已經唔係第一次跟媽媽討論呢個問題, 因為就爸爸所見, 晢晢每朝返到學校都十分拘謹, 跟平日『冇有怕』及『跳跳拃』o既佢好唔同! 爸爸媽媽諗, 如果晢晢係鍾意果個地方, 冇理由咁耐都唔適應, 反之只有恐懼! 爸爸直頭擔心到想同晢晢轉校…

有見及此, 媽媽決定致電跟班主任傾一傾!

媽: 『晢晢返咗咁耐學都仲驚驚青青咁, 其實當爸爸走咗之後晢晢情況如何?』

Ms Wong: 『有時都會喊一陣, 會問爸爸喺邊, 但唔算好激動, 通常安撫一陣就收聲無晒事, 之後上堂一直都唔會再喊, 可以專心上堂。』

媽媽:『但成兩個月都仲未習慣同爸爸道別, 算唔算好嚴重? 又可以做咩幫佢適應?』

Ms Wong: 『晢晢情況真係唔算嚴重, 始終晢晢仲細, 所以要長d時間適應都唔出奇, 你哋平日同佢講多d返學好好玩, 有d咩玩… 唔好提”爸爸要走啦”呢類負面說話都會有幫助。』

媽媽:『咁我哋好唔好由佢喊都照say BYE BYE?』

Ms Wong: 『喊可以抒發情緒, 所以唔係壞事! 可以畀佢試下, 佢慢慢就會習慣, 同埋盡量唔好逗留太耐, 愈留得耐佢愈唔捨得你走…』

媽媽:『咁佢平時上課算留心嗎? 定係會自顧自玩?』

Ms Wong: 『佢上堂集中架! 會聽老師講…』

媽媽:『咁佢同同學相處如何?』

Ms Wong: 『都有爭玩具情況, 但近來有改善, 不過都有忙記o既時候, 但只要一提”唔得架”, 都會願意立即停手, 自己玩過第二件玩具…』

媽媽:『咁佢有冇特別依賴某一位老師?』

Ms Wong: 『冇o既, 佢好獨立, 冇特別黐邊位老師…』

媽媽:『咁佢願意食茶點嗎? 因為佢都幾偏食…』

Ms Wong: 『我哋唔發覺佢有呢個問題wor, 每次茶點都自己食晒!』

媽媽:『咁你覺得佢整體上堂開心嗎?』

Ms Wong: 『開心! 佢成日笑架!』

另外媽媽仲問咗學校上課流程等問題, 而家了解多咗, 都放心返d…

其實要轉校都唔係咁易, 因為好o既學校都已經完成收生, waiting list都唔知排到邊!? 所以唯有寄望晢晢只係暫時未適應而唔係間學校唔啱佢啦… 求主保守…