晢晢@Yoyo’s SPORTS DAY 13.03.10

上上個星期六係Yoyo表姐學校SPORT DAY, 據兩位姨媽上年形容, 呢個SPORTS DAY D遊戲係好好玩! 好有趣! 媽媽一直都想帶晢晢去, 今次終於得賞所願~!

呢朝早其實媽媽身體有點不適, 但婆婆好有心, 特登親自上到我哋屋企接晢晢, 婆婆本來想由佢自己帶晢晢去玩, 然後讓媽媽在家休息, 但媽媽又唔忍心大好假期都唔陪下個仔, 所以就頂硬上齊齊出發~!  

呢日天氣好和暖, 晢晢享受咗一個好美好o既早上~!

Yoyo上年兩歲班未有機會表演, 今年K1終於有佢份啦~! 睇住佢隨住音樂舞動個樣都有點感動, 幾時輪到晢晢呢?

表演完畢, SPORT DAY就正式開始! 由於Yoyo仍是低年級生, 而晢晢年紀尚少, 所以只能參與小型競技遊戲, 到明年, Yoyo你要喺運動場上展展身手喇~! 晢晢你就做啦啦隊啦!