媽媽的肚裡有什麼? 8 WEEK 5 DAY 19.03.10

媽媽個肚比上一次大得快好多, 晚上放工返到屋企, 媽媽脫掉外套, 剩下貼身背心, 晢晢哥哥睇見, 就好奇地伸手去摸媽媽個大肚DUM, 然後問…

晢晢:『咩嚟架?』

媽媽:『係lor, 咁大個o既! 媽咪個肚有d咩呀?』

晢晢:『有d咩呀?』

媽媽:『媽咪個肚入面有個BB呀! 晢晢就嚟做哥哥喇! 好唔好呀?』

晢晢笑咪咪:『好呀!』

媽媽:『咁你鍾意細佬定妹妹呀?』

晢晢諗一諗:『鍾意嵐嵐!』(應該係講緊隔離屋個嵐嵐)

媽媽:『咁啫係鍾意妹妹啦! 係唔係呀?』

晢晢:『係!』

媽媽:『咁要細佬好唔好呀?』

晢晢:『唔駛~!』(搞錯!!! 性別歧視呀!)

而家唔駛媽媽再提, 晢晢都會自己講:『媽媽個tummy有BB』…

媽媽:『係呀! 媽咪而家有咗BB, 你要小心照顧媽咪, 同埋要乖呀! 要做好榜樣等小B學你, 又要幫手照顧小B, 知道嗎?』

晢晢:『知!』(唔好得個講字呀~!)