嵐嵐妹妹再次到訪 18.03.10

隔離屋位嵐嵐妹妹已經好耐冇嚟我哋屋企玩喇~! 呢晚因為屋企有d焗, 媽媽就打開大門, 其間隔離位婆婆經過就同晢晢講:『晢晢, 嵐嵐一陣落嚟, 去你度玩好唔好呀?』晢晢好開心話:『好呀!』

大概15分鐘後, 嵐嵐終於嚟到! 晢晢見到嵐嵐好開心, 又拖人哋入屋, 又主動拎玩具招呼妹妹~! 不得不讚係晢晢比過往禮讓咗好多, 唔駛媽媽提, 都識主動同嵐嵐分享玩具, 即使係佢心愛o既THOMAS火車, 都一樣好大方咁話『嵐嵐, 拎住啦』, 又明白一件玩具係要輪流玩, 自己玩咗一陣會主動畀嵐嵐話『到你』, 嵐嵐玩緊果陣又會耐心等待, 好乖仔! 之後, 媽媽拎咗核桃招呼大家食, 晢晢又會遞到嵐嵐個姐姐面前話:『姐姐都食啦』, 姐姐都對晢晢如止慷慨感到驚訝而大笑~!

今次終於畀媽媽影到相喇~!

嵐嵐大概逗留咗半個鍾就要離開, 兩小B都好唔捨得對方啊~! (嵐嵐, 大家咁近, 有時間再嚟玩過啦~!)