探BB - 27.02.10

同事剛生咗BB, 2月27號就相約一大班同事去探下佢, 媽媽仲帶埋晢晢一齊出席。 晢晢呢日玩得好開心, 可謂「滿場飛」! 有同事更問:「晢晢係咪唔會唔開心架?」媽媽心諗:「緊係唔係啦, 如果你喺新年時見到晢晢, 可能你會問:『晢晢係咪唔識笑架?』」… 不過都好, 證明晢晢呢日冇失禮, 抵鍚~!  

呢個就係同事囡囡啦~!

晢晢好鍾意小B, 一聽見BB喊就第一時間走埋去呵人, 好有大哥哥風範! 但當媽媽抱小B時, 晢晢又喊晒口:「唔呀! 媽咪抱(我)!」… 真小氣!  

呢日有同事都帶埋佢1歲o既仔仔出席, 所以呢日有3個BB在場… 不過比較之下, 原來晢晢已經好大舊, 一D都唔BB lu…

其間晢晢好唔客氣咁周圍派主人家D cookie畀客人食, 捧到埋去時d叔叔/姨姨問:「晢晢, 我食邊塊好呀?」晢晢就好似食家咁介紹:『你呀, 食呢塊lor…』差不多每個人都介紹唔同款式, 好搞笑~!

到正式開餐, 主人家十分客氣 預備咗好多好美味o既食物, 例如: 薑醋, 老水鴨腎, 三文魚刺身, 大大粒帶子剌身, 煙三文魚, 沙律(有水果同蟹子兩款), parma ham配哈蜜瓜, 紅酒, 白酒(不能盡錄)… 食到媽咪肚滿腸肥, 而晢晢呢, 就乜都唔食, 樣樣嘢妹幾妹又lur晒出嚟, 仲搞到成身污jo晒,  媽媽都冇佢咁好氣, 但主人家睇唔過眼晢晢全日冇食過正餐, 就叫工人煮咗碗鮮茄碎肉通粉畀晢晢食, 好在晢晢好畀面食咗大半碗~!

呢日媽媽都玩得好開心, 尤其有咁多好嘢食! 同事放產假要做埋佢d嘢都抵~ 哈哈!!!