呢朝早送完晢晢返學, 再同爸爸嘆個早餐後, 就到健康院做第一次產前檢查… 健康院內人不多, 但不明何解明明半小時內便可以完成o既檢查過程, 都要人白白呆坐3小時以上先走得???
檢查結果… 冇乜特別, 報告要下次返去先有… 見醫生後, 一如所料, 由於甲狀腺素過低關係, 媽媽要轉介到屯門醫院跟進… 其實都冇咩所謂, 只係覆診比普通孕婦密同遠啫~!上次生晢晢時都係咁…
近來媽媽真係好攰, 時時都好想瞓覺
本來打算下午帶晢晢去玩, 但都因為媽媽瞓過龍而要將節目縮水… 媽媽到婆婆家接過晢晢後, 先帶佢到商場逛糖果店買Thomas糖, 然後帶佢到salon剪頭髮(今次剪咗個冬菇頭
雖然所做o既都係好普通o既事, 但媽媽就十分享受呢個短短o既相聚時間, 媽媽相信晢晢都一樣咁享受… 
小B, 當你出世後, 我們一家便變了四人行了, 到時候你一隻手拖著爸爸或媽媽, 另一隻手拖著晢晢哥哥到處遊, 好嗎?
沒有留言:
張貼留言