復活節假連續玩咗兩日, 第三日本來打算hea吓hea吓就算... 朝早踩完單車, 到公園玩吓, 喺屋企做吓手工諗住咁就一日
, 到差不多晚飯時間, 爸爸突然話:『今日兒童節wor, 同晢晢慶祝吓咯!
』媽媽:『吓? 失驚無神慶咩祝??
』商討咗一陣, 就近近哋去食PIZZA當慶祝lu~~~
呢日晢晢做主角, 可以一人獨享一個兒童餐! (但佢食唔食又一回事… 呢隻偏食怪!
)
晢晢呢日好慷慨, 願意同爸爸share佢心愛o既orange juice~! 
晢晢:『我淨食啫喱會唔會大架???
』
雖然節目有d『行貨』, 但心意撘救~! 晢晢你收到冇???
晢晢, 祝你兒童節… 丫唔係… 係祝你時時都咁快樂~!
WE LOVE YOU~!
踏入假期第2日, 我哋一家三口相約咗一班朋友到挪亞方舟遊玩
, 地方比想像中大及靚, 但感覺竟然... 又有點… 悶
… 不過呢個只係媽媽o既感覺, 對晢晢而言, 邊度都咁新奇~! 咁好玩~! 
一場嚟到, 同青馬大橋顥張合照先~!
有朋友相伴其中一個好處就係可以影全家福~!
不過話雖悶, 但我哋都可以由中午行到6點鐘關門先走, 真奇異…??? 連馬灣公園都去唔切啊~! 有點可惜…
晢晢第一次畫黑板~! 到底想畫乜呢??
製作復活蛋, 晢晢全部自己嚟, 唔要爸爸媽媽幫手~!
行到餓餓哋, 食D零食先~!
行咗幾個鐘之後, 我哋就走到沙灘玩(正確d講, 係睇住晢晢玩), 因為媽媽一早知呢度有個沙灘, 就預備定d沙灘玩具畀晢晢, 呢個算係晢晢全日最開心o既活動… (真感激一班朋友願意花時間畀晢晢好好享受)
不經不覺已經入夜, 我哋一班朋友就齊齊踏船到荃灣食晚飯, 到碼頭時, 晢晢見到幾隻狗仔就情不自禁同人哋玩, 好彩班狗主唔介意啫~!
喺船上, 倦極o既晢晢就開始… 有點迷失… 不停發出嚇人歌聲…
不出所料, 一落船晢晢就瞓著咗… 爸爸媽媽可以同朋友好好享受一頓晚餐… 乖仔…
呢日節目雖然未算十分盡興(不過對晢晢嚟講應該十分高興~!), 但難得有假期可以一家人輕鬆下已十分感恩~! 
咁耐冇update個卜, 只因舊電腦壞咗, 新電腦又唔知做乜讀唔到相機d相, 搞來搞去, 到今時今日先可以有相睇… 唉… 只嘆自己係電腦白痴…
好啦終於可以紀錄一下晢晢o既生活點滴喇…
難得有咁長o既復活節假期(仲長過新年!), 爸爸媽媽一於爭取時間帶晢晢四處玩, 假期第一日, 我哋一家三口就嚟到大棠茘枝園玩喇~! 
由元朗搭的士先40多元, 心諗『真抵!』, 可惜當架的士駛走之後我哋先發現的士去錯地方!!! 累我哋要再步行多二十分鐘先到達, 真的想XYZ個司機!!! 
行到隻『積』咁... 
沿路經過『流浪牛之家』, 晢晢話:『嘩! 好多COW呀!!』
幾經辛苦終於嚟到目的地啦!!!
嚟到售票處, 我哋揀咗三項活動 + pick strawberry, 大概二百多元就夠一家三口玩足一日, 好抵玩!!!
先同爸爸嘆支地道有機菊花茶~! 
入門口冇耐就見到有繩網, 以晢晢年紀會有d難度, 但爸爸仍好有心帶晢晢挑戰一下身手~! 兩父子表現唔錯呀~!
嚟到動物餵飼區, 晢晢可以盡情地餵小動物~! 例如: 餵羊咩咩…
餵魚魚…
咪以為晢晢只敢餵『小』動物, 『大』o既一樣冇有怕, 睇下晢晢餵馬馬個樣~! 
玩咗一輪, 就排隊坐牛牛車, 雖然等唔到車頭坐, 但對晢晢嚟講已經係一個好有趣o既體驗~! 之後幾日晢晢時時都提住:『我要坐牛牛車!』
然後走到大草地, 遇上有兩位哥哥正在吹bubble, 晢晢好唔客氣咁一同加入, 好在哥哥好心肯同佢玩啫~!
不經不覺由11點玩到2點多, 晢晢開始扭眼瞓, 剛巧天又下著雨, 就到飯堂吃點小食及休息~! 好在我哋嚟得及時, 一坐低, 個天就開始落『狗屎
』… 一個鐘頭後雨就停咗, 晢晢又瞓飽晒, 就繼續行程。
嚟到騎馬區, 晢晢雙眼發光, 一副十分期待的樣子, 可惜要3歲以上先騎得, 我哋帶晢晢離開時佢好失望啊! 不停叫住『我要騎馬馬…我要騎馬馬…
』, 喊得重淒涼過返學同爸爸say BYE BYE…
幸好下個節目夠吸引, 就係是日重頭戲 PICK STRAWBERRY~! 晢晢好快再次投入去玩啦~!
好大幅士多啤梨田呀!
晢晢用較剪愈來愈純熟喇~!
雖然d士多啤梨偏細粒, 但粒粒都好甜, 晢晢食到停唔到口~! 是日的『部份』收穫
總括而言, 呢日真的玩得好開心! 連晢晢都話:『好玩呀… 好開心呀… 坐牛牛車呀… 餵馬馬呀…』 , 有機會一定要再嚟!
