吃奶奶 - 27.03.11

呢晚媽媽有點不在狀態, 餵極陶陶都好似唔夠喉咁, 唯有臨瞓前補點奶粉… 剛巧晢晢哥哥都要吃奶奶, 就一齊開餐啦~!

睇吓邊個食得快d~! 哈哈~!

小記: 陶陶真係好為食, 見到爸爸手上拎住支奶奶, 會目不轉睛地望到實! 當見到爸爸將支奶遞畀哥哥而唔係佢, 就會失望到大喊! 晢晢哥哥睇見妹妹咁可憐又會意圖請妹妹食自己支奶, 不過當然畀爸爸媽媽勸阻, 因為晢晢係食大B奶粉架嘛! 然後晢晢就唯有睇住妹妹喊, 自己就繼續嘆奶奶…

睇見佢哋兩兄妹… 真的好可愛~!

第一口米糊 – 20.03.11 (5M1W3D)

陶陶終於吃米糊啦~!

陶陶未出世前, 由於媽媽決心餵人奶, 所以一直都打算跟晢晢一樣, 到佢足6個月大先加入固體~! 但後來發現陶陶未到4個月已經對食有好大渴求(一見人食嘢就會『哄』個頭埋去討食), 所以媽媽就將計劃推前兩個星期(即打算5個半月開始)… 又後來, 由於媽媽想親自餵第一口米糊, 加上陶陶對食的訴求愈來愈強烈, 所以媽媽最後將計劃再推前多4日… 不出所料, 陶陶吃得很好啊~!

陶陶:『等咗咁耐, 媽媽終於肯畀嘢我食咯!!! 大啖d啦唔該~!』(晢晢好乖咁主動替妹妹抺咀~!)

可憐的陶陶被媽媽整古呢~!

不過食咗米糊剛一個星期, 未知是否有關, 陶陶似乎有疑似便秘問題… 話說陶陶喺星期日全日都冇booboo, 但間中會毑口毑的呻吟著, 然後大力的放吥吥, 有時更眼泛淚光, 狀甚痛苦, 幸好第二天終得到『釋放』… 但媽媽仍會繼續留意情況, 或許會再開稀一點及維持每日兩匙的份量, 看情況有否改善~!

陶陶, 媽媽看著你吃東西的樣子真的很滿足呢~! 希望你的腸胃快快得到適應啦~!

一仔一女!? (3Y3M/5M2W)

爸爸媽媽有一仔一女

是大仔細女????

還是大女細仔????

晢晢由出世至今都有好多人以為佢係女仔… 雖然外表係有少少似(真係少少?), 但其實D行為係好男仔, 鍾意打功夫, 鍾意踢波, 鍾意玩槍…

某日, 晢晢被誤以為係女仔得十分誇張…

話說爸爸去買波鞋, 其間售貨員姐姐不停的聊晢晢玩, 不停的叫他做『妹妹』, 爸爸與媽媽沒有立刻澄清, 只一直默不作聲, 直到畀錢一刻, 爸爸當著售貨員姐姐問晢晢:『晢晢, 你係男仔定女仔嚟架?』晢晢肯定地答:『男仔!』… 售貨員姐姐竟愕然地說:『妹妹, 你傻咗咩~! 仲乜話自己係男仔呀???』爸爸媽媽冷靜地解釋:『佢真係男仔嚟架!』售貨員姐姐反應係:『吓! 真係架?? 佢真係男仔!??? 我唔信!』… 

而陶陶呢, 其實喺媽媽心目中一直都好女仔, 無論聲線, 動靜, 樣貌都係女仔! 但最近唔知點解又多咗街上o既人誤以為佢係男仔!? 去飲果晚, 明明打扮到公主咁靚, 但竟然仍有人問:『佢係咪男仔嚟架!?』… (激C媽媽喇!!)

好喇~! 媽媽要重申, 我們家有一仔一女, 大仔叫晢晢, 細女叫陶陶, 清楚晒~!