倒水遊戲
大部份小朋友都鍾意玩水, 晢晢都唔例外! 
平時沖涼爸爸都會畀唔同容器畀晢晢玩, 不過媽媽都係覺得唔夠, 因為浸喺浴缸就算倒潟咗都唔多覺, 所以媽媽千辛萬苦走去買個豬頭托盤返嚟, 就係想畀晢晢坐喺枱凳玩水, 用以提高「倒潟水」意識~!
前幾晚, 晢晢見到媽媽拎住個裝住不同大小o既玻璃容器叫:「晢晢, 不如玩水水咯~!
」先係奇怪, 繼而畀咗個好疑惑o既眼神, 好似問緊媽媽:「我真係可以玩!?
」媽媽就話:「唔駛懷疑喇, 係呀, 畀你玩架!
」晢晢就由心笑出嚟, 然後坐定定等「開檔」~!
少少水 + 幾個容器, 只係倒來倒去, 就可以令晢晢樂足半天, 不過「倒潟水」意識就有待改進lu~! 
之後見成個盤都係水, 就拎咗舊海綿教晢晢吸返盤上o既水同擠返落容器內, 之後再畀條紗巾佢學扭毛巾, 又係玩得不易樂乎~!
呢個遊戲可以訓練專注力, 手眼協調, 鍛鍊小肌肉, 又所費無幾~~ 推介~!
黐貼遊戲
仲有呢個黐貼遊戲都係好好玩, 先剪定d圖形(eg: 星形, 梯形, 三角形…), 再畀支水彩筆點膠水貼喺相應格仔入面, 晢晢玩得好認真架~! 完成後即刻拎畀姐姐睇:「幾靚~!」… 以示獎勵, 媽媽拎咗去貼堂...一晚咁多~!(喺toilet門口)
本來原意係用漿糊, 但買唔到, 唯有膠水頂住先~!
晢晢的作品
晢晢, 媽媽每日都要返工, 已經盡全力趕返屋企, 但能夠陪你o既時間真係好少,唯有諗多d遊戲同你玩, 令我哋每晚o既短聚都充實d... 希望媽媽為你預備o既小玩意, 你都會鍾意啦~! 
)
