連埋上個星期日到星期三, 我呢兩個星期都病左一半咁濟, 成日發燒, 星期二(28/Sep)又請左sick leave 係屋企休息, 訓到個人好熱好熱, 到兩點幾再食多粒退燒葯後, 個人就不斷流汗, 結果我訓係床上, 一路訓, 一路涼冷氣, 一路吹風扇, 一路抺抺唔停o既汗水… 流汗流咗差唔多幾個鐘後, 個人終於開始降溫, 又精神返d, 就走去沖涼, 但沖完d汗都係咁流, 我就繼續涼冷氣, 吹風扇, 抺汗同食粥… 隔左一陣我就訓左, 醒左已經係夜晚, 個人舒服左好多, 我知道我已經退燒… 冇幾耐媽媽就送飯&粥到我屋企, 到佳佳返到來, 我已經好似冇事, 不過個人仲係好攰…
直到今日, 我都周不時(夜晚)訓到成身濕晒, 雖然有d唔衛生, 但起碼個人唔會好似之前咁, 成日困住d熱唔散咁, 其實咁仲舒服… 我而家返到公司, 我會一直開住部風扇吹住自己, 唔比自己再焗親, BB要吸收咁多葯都對佢唔係幾好~! 呢兩個星期我覺得BB大得冇之前咁快, 唔知係咪我錯覺呢??!! BB呀BB, 你要健康咁係我個肚成長呀! 我知媽媽我成日食好少嘢(尤其有益o既嘢), 又成日病要食葯, 但BB你都要爭氣呀! 你要強壯D做個叻仔呀!!!
