教會職青團契於佛旦假期搞咗個澳門之旅
, 好耐冇行開過又預計短時間內都唔會外遊o既媽媽, 雖然現在身世有點論盡
, 但都好想趁呢次機會讓一家人輕鬆下(遲D更加行唔開啦!!
), 所以第一時間報名參加~!
今次外遊一行廿多人
, 行得魔又拎唔到重嘢o既媽媽實在好感受到各弟兄姐妹的愛護
, 除咗不時會協助照顧晢晢, 更會幫忙背起我們的背包
… 到松山遊覽時遇到天雨, 又會伴著媽媽上/落樓梯, 深怕媽媽跌倒, 又替我們一家拍咗好多照片, 所以兩日行程媽媽都不至很疲倦, 實在很感激大家~!
晢晢:『我哋搭船去澳門呀!』(到今日都成日講住呢句說話~)
等開船期間, 有位『金魚姐姐
』請晢晢食糖, 晢晢話咁易就上當…
終於開船啦, 晢晢望住海~~ 好陶醉~~ 仲陶醉到ZZZ…
一個鐘頭船程好快就過, 一落船晢晢化身小MODEL
, 叫佢大笑就大笑
, 叫佢YEAH就YEAH~~ 非常合作! 吸引大批弟兄姊妹舉機拍照~! (如果可以收返每張$10幫補下書簿費更好~!
)
咪睇晢晢細細粒, 瘦猛猛~! 由踏出家門到回程一刻, 99%時間都係由晢晢負責拉拖喼的, 途人睇見都十分佩服! 
晢晢喺呢次旅程都顯得十分開心, 見佢成日笑騎騎, 又冇餐食得正經就知道了~!
到步第一餐就嚟到一間食水蟹粥的飯店吃午餐, 質素… 一般啦…
晢晢好似唔識餓咁, 飯都唔食只顧住玩『吹波波』
~!
食飽飽到酒店放下行李就到第一個景點 ~~~ 威尼斯人酒店
~! 其實呢個時候晢晢已過咗午睡時間, 顯得冇乜心機, 但拍照時仍十分合作, 畀足笑容~!
晢晢虐待爸爸實錄!
行完威尼斯, 就齊齊到大三巴附近名叫蕃茄屋食葡菜的餐廳食晚飯, 味度不錯~! 
睇吓我哋幾大棚人~! 
(晢晢呢? 佢終於頂唔住瞓咗, 所以呢餐佢無緣品嚐lu~!)
當枱面所有食物都食清光後晢晢就醒了, 成日冇食過正餐, 唯有帶佢到附近食碗燉奶頂住先, 不過結果佢都係冇食過咁濟… (算喇! 返酒店食奶吧啦!!!
)
嚟到第二日, 我哋一家三口一早就到酒店餐廳食早餐, 晢晢依然食嘢冇嚟正經, 玩仲多過食!
晢晢食嘢食成咁… 媽媽都已經睇化晒lu… 
食飽飽, 同弟兄姊妹齊齊靈修後就繼續遊覽澳門~~
晢晢keep住笑騎騎~!
呢個商場有個天幕show睇, 一開場係有隻老虎圍住我哋跑圈, 晢晢眼定定睇咗2-3分鐘, 然後就大喊, 不停叫住:『呀!!! 救命呀!!! 我好驚呀!!! 走呀!!! 我唔睇呀!!!』, 喊到完場咁濟… 雖然好淒涼, 但媽媽又覺得佢個樣好好笑~!
喊飽後, 就齊齊到提督馬路附近一間滿舊式茶餐廳feel的餐廳午饍, 爸爸問老板:『呢度有咩最馳名架?』, 老板話:『椰汁雞絲出前一丁!』… 媽媽眼都凸埋, 山長水遠嚟食出前一丁!!!?? 最後爸爸都order咗一碗, 肯定到佢係一碗『正宗出前一叮』...
晢晢繼續神仙肚, 自己order咗杯凍朱古力就當一餐… (下面個包同奶茶咖啡係爸爸媽媽的午餐)
食飽就嚟到松山搭纜車, 成人來回$3, 小童$2! 抵到爛, 不過冇冷氣o既車箱十分焗, 好彩2分鐘就到~!
雖然有點雨, 但無損晢晢心情, 一到步, 爸爸就買咗隻飛碟同晢晢玩, 唔知點解, 晢晢一拋起隻飛碟就叫:『爆船陀螺』
(應該係同行一位9歲的哥哥教佢講~!)
玩咗一陣飛碟後繼續行…
嚟到一個防空洞... 到底晢晢見到咩令到佢咁驚呢?
哦~ 原來喺呢個軍人像~! 爸爸媽媽講解後晢晢終放下戒心同『軍人哥哥』合照~!
終於上到頂啦, 呢度可以飽覽成個澳門, 令人心懭神怡~!
呢張全家福拍得晢晢好可愛~!
遊咗大概個多小時, 就齊齊返酒店附近食tea, 唔駛食嘢o既晢晢無聊玩自拍…
講開拍照, 不得不讚晢晢係有點天份! 以下o既相全由晢晢操刀, 無論人/景比例, 對焦… 都有板有眼架!!!
之後o既行程因為時間唔多, 所以都係四處行吓, 買吓手信咁, 食埋晚飯就齊齊搭船返香港lu~!
晢晢:『bye bye 啦澳門~! 下次再見~!』
